టైటిల్: మిథ్య: ది డార్కర్ చాప్టర్ సీజన్ – 2
ప్లాట్ఫాం : జీ5
డైరెక్షన్ : కపిల్శర్మ
కాస్ట్ : హ్యూమా ఖురేషి, అవంతిక దస్సాని, నవీన్ కస్తూరియా, రజిత్ కపూర్ ,
లాంగ్వేజ్ : హిందీ
మిథ్య.. మొదటి సీజన్ 2022లో వచ్చి హిట్టయిన సంగతి తెలిసిందే. దాని కొనసాగింపుగా ఇప్పుడు రెండో సీజన్ వచ్చింది. మొదటి సీజన్ కథ జూహీ (హ్యూమా ఖురేషి), రియా (అవంతిక దస్సాని) చుట్టూ తిరుగుతుంది. ఆ సీజన్లో వాళ్లిద్దరూ అక్కాచెళ్లెళ్లు(తండ్రి ఒక్కడే తల్లులు వేరు) అని తెలుస్తుంది. ఈ సీజన్ విషయానికి వస్తే.. జూహీ హిందీ ప్రొఫెసర్గా సెటిల్ అవుతుంది. తను రాసిన సాహిత్య నవల ‘ధుండ్’ని రిలీజ్ చేస్తుంది. జూహీ తండ్రి ఆనంద్ త్యాగి(రజిత్ కపూర్) కూడా ఫేమస్ ఇంగ్లీష్ రైటర్. తన కూతురు రచయితగా పేరు తెచ్చుకున్నందుకు చాలా సంతోషిస్తాడు.
కానీ.. ధుండ్ పుస్తకాన్ని తానే రాశానని, దాన్ని ప్రింట్ చేయకముందే జూహీ దొంగిలించిందని అమిత్ చౌదరి (నవీన్ కస్తూరియా) ఆరోపిస్తాడు. కానీ.. దానికి ఆమె పెద్దగా స్పందించకుండా ఆలోచనల్లో పడుతుంది. దాంతో అమిత్ లీగల్ నోటీస్ తీసుకొచ్చి ఆనంద్కి ఇస్తాడు. ఆనంద్ ఆ నోటీస్ని జూహీకి చూపిస్తాడు. అప్పుడు జూహీ దీనంతటికీ కారణం రియా అని చెప్తుంది. మరోవైపు జూహీ కుటుంబంలో విభేదాలు పెరుగుతూ ఉంటాయి. రియా తన కుటుంబానికి దగ్గరయ్యేందుకు ప్రయత్నిస్తూనే మరోవైపు వాళ్ల పరువు తీసేందుకు ప్లాన్లు వేస్తుంటుంది. ఆ తర్వాత ఏం జరిగింది? ఆమె ఈ సమస్యల నుంచి ఎలా బయటపడింది? అనేది సిరీస్ చూసి తెలుసుకోవాలి.
