బజార్ హత్నూర్, వెలుగు: బజార్ హత్నూర్ మండలంలోని ఉమర్డా గ్రామాన్ని ప్రత్యేక గ్రామపంచాయతీగా ఏర్పాటు చేయాలని గ్రామస్తులు బుధవారం ఎమ్మెల్యే అనిల్ జాదవ్ను కోరారు. నేరడిగొండ మండలంలోని ఎమ్మెల్యే క్యాంపు కార్యాలయంలో ఉమర్డా గ్రామస్తులు ఎమ్మెల్యేను మర్యాదపూర్వకంగా కలిసి గ్రామంలోని సమస్యలను విన్నవించారు. త్రీఫేస్ విద్యుత్ లైన్ఏర్పాటు చేయాలని, రోడ్డు సౌకర్యం కల్పించాలని కోరారు. సానుకూలంగా స్పందించిన ఎమ్మెల్యే తన సొంత డబ్బులతో తాత్కాలిక రోడ్డు ఏర్పాటుచేస్తానని హామీ ఇచ్చారు.
గ్రామ సమస్యల పరిష్కారానికి కృషి
నేరడిగొండ: గ్రామాల్లో నెలకొన్న సమస్యల పరిష్కారానికి కృషి చేస్తానని అనిల్ జాదవ్ అన్నారు. నేరడిగొండ మండలంలోని ఈస్పూర్, గోండు గూడ గ్రామస్తులు బుధవారం క్యాంపు ఆఫీస్లో ఆయనను కలిశారు. తమ గ్రామాల్లో నెలకొన్న విద్యుత్, తదితర సమస్యల గురించి ఎమ్మెల్యేకు వివరించారు. స్పందించిన ఎమ్మెల్యే వెంటనే విద్యుత్ శాఖ ఆఫీసర్లను పిలిపించి మాట్లాడారు.
అనంతరం తెలంగాణ అగ్రి డాక్టర్స్ అసోసియేషన్ డైరీ, క్యాలెండర్లను ఆవిష్కరించారు. బోథ్ మండలంలోని దన్నూర్లో అంబేద్కర్ యూత్ ఆధ్వర్యంలో నిర్వహించిన క్రికెట్ టోర్నమెంట్ విజేతలకు బహుమతులు అందజేశారు. కార్యక్రమంలో ఏవో కృష్ణవేణి, వ్యవసాయ శాఖ ఆఫీసర్లు, యువకులు పాల్గొన్నారు.
