దేవరకొండ(చందంపేట), వెలుగు : పోలీసులు పేదలకు ఉచిత వైద్యసేవలు అందించడం అభినందనీయమని ఎమ్మెల్యే బాలూనాయక్ అన్నారు. శనివారం చందంపేట మండలం పోలేపల్లిలో జిల్లా పోలీస్ శాఖ ఆధ్వర్యంలో నార్కల్పల్లి కామినేని ఆస్పత్రి వైద్య బృందంతో ఏర్పాటు చేసిన ఉచిత మెగా వైద్య శిబిరాన్ని ఎస్పీ శరత్ చంద్ర పవార్, ఏఎస్పీ మౌనికతో కలిసి ప్రారంభించారు.
ఈ సందర్భంగా ఎమ్మెల్యే మాట్లాడుతూ శాంతి భద్రతల పరిరక్షణతోపాటు సమాజ సేవలో పోలీసులు ముందుండడం గొప్ప విషయమన్నారు. విద్య, వైద్య రంగాలకు ప్రభుత్వం ప్రాధాన్యత ఇస్తుందని తెలిపారు. కార్యక్రమంలో ప్రజాప్రతినిధులు, నాయకులు, పోలీస్ సిబ్బంది పాల్గొన్నారు.
