యాదాద్రి, వెలుగు : పంటలకు సాగు నీరందించే విషయంలో గత ప్రభుత్వం నిర్లక్ష్యంగా వ్యవహరించిందని ప్రభుత్వ విప్, ఆలేరు ఎమ్మెల్యే బీర్ల ఐలయ్య, భువనగిరి ఎమ్మెల్యే కుంభం అనిల్కుమార్రెడ్డి తెలిపారు. గురువారం అసెంబ్లీలో వారు వేర్వేరుగా మాట్లాడారు. ఉమ్మడి నల్లగొండకు బునాధిగాని కాల్వ, ధర్మారెడ్డి, పిలాయిపల్లి కాల్వల కోసం రూ.500 కోట్లు కేటాయించినందుకు సీఎం రేవంత్ రెడ్డి, నీటిపారుదలశాఖ మంత్రి ఉత్తమ్కుమార్రెడ్డికి వారు కృతజ్ఞతలు తెలిపారు. వైఎస్ఆర్ హయాంలో మొదలైన ఈ కాల్వలను గత బీఆర్ఎస్ ప్రభుత్వం పట్టించుకోలేదన్నారు.
తమ ప్రభుత్వం పవర్లోకి వచ్చిన తర్వాత కాల్వల ద్వారా సాగునీరు అందిస్తోందని తెలిపారు. ఇప్పటికే నియోజకవర్గాల్లోని చెరువులు నింపామని చెప్పారు. బునాధిగాని కాల్వ, ధర్మారెడ్డి, పిలాయిపల్లి కాల్వలు పూర్తయితే ఉమ్మడి జిల్లాలోని ఐదు నియోజకవర్గాలకు సాగునీరు అందుతుందని తెలిపారు. ఈ సందర్భంగా బస్వాపూర్ రిజర్వాయర్కు సంబంధించిన పరిహారం, ఆర్అండ్ఆర్ కోసం నిధులు అందించాలని ఎమ్మెల్యే కుంభం అనిల్కుమార్రెడ్డి కోరారు.
అనంతరం సీఎం రేవంత్ రెడ్డి, మంత్రి ఉత్తమ్కుమార్ రెడ్డిని ఎమ్మెల్యేలు సన్మానించారు. కార్యక్రమంలో మంత్రి కోమటిరెడ్డి వెంకటరెడ్డి, నకిరేకల్ఎమ్మెల్యే వేముల వీరేశం, తుంగతుర్తి ఎమ్మెల్యే మందుల సామేల్, మిర్యాలగూడ ఎమ్మెల్యే బత్తుల లక్ష్మా రెడ్డి పాల్గొన్నారు.
