ఇందల్వాయి, డిచ్పల్లి, వెలుగు: రైతులు పండించిన సన్నాలకు ప్రభుత్వం రూ.500 బోనస్ చెల్లిస్తుందని నిజామాబాద్ రూరల్ ఎమ్మెల్యే భూపతి రెడ్డి అన్నారు. శనివారం చంద్రయాన్పల్లి, బీబీపూర్, డిచ్పల్లి గ్రామాల్లో ఏర్పాటు చేసిన ధాన్యం కొనుగోలు కేంద్రాలను ప్రారంభించారు. ఈ సందర్భంగా ఆయన మాట్లాడుతూ రైతులు దళారులను నమ్మి మోసపోవద్దన్నారు. పండించిన ధాన్యాన్ని కొనుగోలు కేంద్రాల్లోనే అమ్ముకోవాలని రైతులకు సూచించారు.
ఏ గ్రేడ్రకం ధాన్యానికి రూ.2320, బీ గ్రేడ్ కు రూ.2300 చెల్లించి ప్రభుత్వమే కొనుగోలు చేస్తుందని చెప్పారు. కార్యక్రమంలో ఉమ్మడి జిల్లాల ఐడీసీఎంఎస్ చైర్మన్ తారచంద్నాయక్, ఏఎంసీ చైర్మన్గంగారెడ్డి, మండల అధ్యక్షుడు నవీన్ గౌడ్, సొసైటీ చైర్మన్లు రాంచందర్ గౌడ్, గోవర్ధన్ రెడ్డి, లీడర్లు సంతోష్రెడ్డి, ఇమ్మడి గోపి తదితరులు పాల్గొన్నారు.
