నిజామాబాద్ సిటీ, వెలుగు:నగర ప్రజలకు 24 గంటల పాటు మంచినీరు అందుబాటులో ఉంచడమే లక్ష్యంగా పనిచేస్తున్నట్లు అర్బన్ ఎమ్మెల్యే బిగాల గణేశ్గుప్తా పేర్కొన్నారు. జిల్లా కేంద్రంలోని న్యూ అంబేద్కర్ భవన్ లో ఆదివారం నిర్వహించిన దశాబ్ది ఉత్సవాల్లో ఆయన పాల్గొని మాట్లాడారు.నిజామాబాద్ నగరంలో ఎన్నడూ లేని విధంగా 9 ఏళ్లలోఎంతో అభివృద్ధి జరిగిందన్నారు. నగర మేయర్ నీతు కిరణ్, ప్రభాకర్ రెడ్డి, నగర అధ్యక్ష, కార్యదర్శులు రాజు, హేమలత పాల్గొన్నారు.
కామారెడ్డి: మిషన్ భగీరథ ద్వారా తాగునీటి సమస్యకు శాశ్వత పరిష్కారం లభించదని విప్ గంప గోవర్ధన్ పేర్కొన్నారు. దశాబ్ది ఉత్సవాల్లో భాగంగా ఆదివారం సదాశివ్నగర్ మండలం మల్లన్న గుట్ట వద్ద నీటి పండుగ నిర్వహించారు. గోవర్ధన్ మాట్లాడుతూ.. రాష్ట్రం ఏర్పడక ముందు ఏ ఊరికి వెళ్లినా.. నీటి ఎద్దడి తీర్చాలంటూ ఖాళీ బిందెలతో మహిళలు ఆందోళన చేసేవారన్నారు. కానీ ఇప్పుడు ఆ ఇబ్బంది లేదన్నారు. ఎమ్మెల్యేలు హన్మంత్ షిండే, జాజుల సురేందర్, కలెక్టర్ జితేశ్వి పాటిల్ తదితరులు పాల్గొన్నారు.
వర్ని: రాష్ట్ర అవతరణ దశాబ్ధి ఉత్సవాల్లో భాగంగా ఆదివారం చందూరు మండల కేంద్రంలోని జిల్లా పరిషత్ ఉన్నత పాఠశాలలో జరిగిన వాటర్‌ దినోత్సవంలో స్పీకర్ పోచారం శ్రీనివాస్రెడ్డి ముఖ్యఅతిథిగా హాజరై మాట్లాడారు. మిషన్ భగీరథ ద్వారా స్వచ్ఛమైన నీటినందిస్తున్నామన్నారు. ప్రోగ్రామ్లో బోధన్ ఆర్డీవో రాజేశ్వర్, పోచారం సురేందర్ రెడ్డి పాల్గొన్నారు.
ఆర్మూర్:మిషన్ భగీరథ లాంటి సక్సెస్ ఫుల్ పథకం ప్రపంచంలో ఎక్కడా లేదనని ఆర్మూర్ఎమ్మెల్యే, పీయూసీ చైర్మన్ ఆశన్నగారి జీవన్ రెడ్డి పేర్కొన్నారు. అవతరణ దశాబ్ది ఉత్సవాల్లో భాగంగా జక్రాన్పల్లి మండలం అర్గుల్ శివారులో మిషన్ భగీరథ గ్రిడ్ వద్ద జరిగిన ప్రోగ్రామ్లో పాల్గొని మాట్లాడారు.
పిట్లం: ఇంటింటికీ తాగునీరందించి, సమస్య తీర్చిన ఘనత సీఎం కేసీఆర్కు దక్కుతుందని ఎమ్మెల్యే హన్మంత్షిండే అన్నారు. తెలంగాణ దశాబ్ది ఉత్సవాల్లో భాగంగా ఆదివారం మద్నూర్ మండలం శేఖాపూర్లో జరిగిన కార్యక్రమానికి ఎమ్మెల్యే హన్మంత్షిండే ముఖ్య అతిథిగా హాజరై మాట్లాడారు. మద్నూర్ ఎంపీపీ లక్ష్మీబాయి పాల్గొన్నారు.
