కోఠి మార్కెట్లో ఎమ్మెల్యే దానం నాగేందర్ పర్యటించారు. ఎమ్మెల్యేతో పాటు నారాయణగూడ ట్రాఫిక్ ఇన్స్పెక్టర్లు సత్యనారాయణ, హిమాయత్ నగర్ కార్పొరేటర్ మహాలక్ష్మి రామన్ గౌడ్ ఉన్నారు. కోఠి మార్కెట్లో సెకండ్ హ్యాండ్ బైక్ లను విక్రయించే షాపుల యజమానులతో మాట్లాడారు. షాపుల ఎదుటపార్కింగ్ చేసిన బైక్ లకు పోలీసులు చలాన్ లు విధిస్తున్నారని ఎమ్మెల్యేకు షాపుల యజమానులు తెలిపారు.
ఫుట్ పాత్ లపై బైక్స్ పెట్టడం వల్ల పాదచారులకు , వాహనదారులకు ఇబ్బందులు కలుగుతున్నాయని... ట్రాఫిక్ తీవ్ర అంతరాయం కలుగుతుందని ట్రాఫిక్ ఇన్స్పెక్టర్ ఎమ్మెల్యే దానం నాగేందర్ కు వివరించారు. కింగ్ కోఠి స్కూల్స్ జోన్స్ ఏరియా కావడంతో ట్రాఫిక్ ప్రోబ్లం ఉందని.. అందుకోసమే చలాన్లు విధిస్తున్నామన్నారు. ప్రజలకు ఇబ్బందులు కలుగకుండా వ్యాపారం చేసుకోవాలన్నారు. షాపుల ముందు బైక్స్ పెట్టకుండా చూడాలని... షాపు పరిధి లోనే బైక్స్ పెట్టుకొని ట్రాఫిక్ పోలీసులకు సహకరించి... ట్రాఫిక్ ను నియంత్రించాలని షాపు యజమానులకు ఎమ్మెల్యే దానం నాగేందర్ సూచించారు.
