నిజామాబాద్అర్బన్, వెలుగు: సిటీలో డబుల్బెడ్రూమ్ఇండ్ల స్కీమ్పై గత ప్రభుత్వం తీవ్ర నిర్లక్ష్యం చేసిందని అర్బన్ ఎమ్మెల్యే ధన్పాల్ సూర్యనారాయణ ఆరోపించారు. సిటీలోని బీజేపీ ఆఫీస్లో శనివారం ఆయన విలేకరులతో మాట్లాడారు. అర్బన్నియోజకవర్గానికి 2,330 డబుల్బెడ్రూమ్ఇండ్లు మంజూరు చేసిన గత ప్రభుత్వం, కేవలం 648 ఇండ్లను మాత్రమే నిర్మించిందని, వీటిలో సగానికి పైగా ఇండ్లు పంపిణీకి నోచుకోలేదన్నారు. ఇండ్ల పంపిణీలోనూ పేదలకు తీవ్ర అన్యాయం జరిగిందని, బీఆర్ఎస్ లీడర్లు డబ్బులు తీసుకొని పంచిపెట్టారన్నారు.
సిటీలో అండర్ గ్రౌండ్ డ్రైనేజీని కూడా గాలికొదిలేయగా, కేంద్ర ప్రభుత్వం అమృత్2.0 పథకంలో డ్రైనేజీకి రూ.162 కోట్లు, తాగునీటి సరఫరాకు రూ. 217 కోట్లను మంజూరు చేసిందన్నారు. గత ప్రభుత్వ హయాంలో జరిగిన అవినీతిని జిల్లా ఇన్చార్జి మంత్రి దృష్టికి తీసుకెళ్లినట్లు చెప్పారు. కాంగ్రెస్ ప్రభుత్వం ఎన్నికల సమయంలో ప్రజలకిచ్చిన హామీలను వెంటనే అమలు చేయలని డిమాండ్ చేశారు. సమావేశంలో లీడర్లు లక్ష్మీనారాయణ, స్రవంతిరెడ్డి, శంకర్, వీరేందర్ పాల్గొన్నారు.
