నిజామాబాద్అర్బన్, వెలుగు : గతంలో అధికారంలో ఉన్న బీఆర్ఎస్ ప్రభుత్వం, అప్పటి అర్బన్ఎమ్మెల్యే బిగాల గణేశ్గుప్తా నిర్లక్ష్యం కారణంగా సిటీలో అండర్ గ్రౌండ్ డ్రైనేజీ వ్యవస్థ అస్తవ్యస్తంగా మారిందని ఎమ్మెల్యే ధన్పాల్ సూర్యనారాయణ ఆరోపించారు. సిటీ శివారులోని భూగర్భ మురుగునీటి శుద్ధి కేంద్రాన్ని శుక్రవారం అధికారులతో కలిసి పరిశీలించారు. ఈ సందర్భంగా ఎమ్మెల్యే మాట్లాడుతూ..
కేంద్ర ప్రభుత్వం అండర్ గ్రౌండ్ డ్రైనేజీ నిర్మాణానికి రూ.30కోట్లు, నీటి సరఫరాకు రూ.98 కోట్లు కేటాయించిందని, 2017 –2020 మధ్యే ఈ పనులు పూర్తి కావాల్సి ఉండగా, అప్పటి ఎమ్మెల్యే బిగాల నిర్లక్ష్యంతో పనులు ఆగిపోయాయన్నారు. తాజాగా అమృత్ 2.0లో భాగంగా అండర్ గ్రౌండ్ డ్రైనేజీ నిర్మాణానికి
రూ.217 కోట్లు, నీటి సరఫరాకు రూ.162 కోట్ల నిధులను కేంద్ర ప్రభుత్వం మంజూరు చేసిందని చెప్పారు. ఏడాదిలోపు పనులు పూర్తయ్యేలా చూస్తానని ఎమ్మెల్యే పేర్కొన్నారు. కార్యక్రమంలో అధికారులు, లీడర్లు పాల్గొన్నారు.
