కొత్తకోట, వెలుగు : గత ప్రభుత్వం చేసిన అప్పులు తీరుస్తూనే ఎన్నికల సమయంలో ఇచ్చిన హామీలను అమలు చేస్తున్నామని దేవరకద్ర ఎమ్మెల్యే జి మధుసూదన్రెడ్డి తెలిపారు. మండల కేంద్రంలోని ఓ గార్డెన్లో మహాలక్ష్మి పథకానికి ఎంపికైన లబ్ధిదారులకు రూ.500కే గ్యాస్ సిలిండర్ ప్రొసీడింగ్ కాపీలను అందజేశారు. ఈ సందర్భంగా ఆయన మాట్లాడుతూ మిగులు బడ్జెట్ ఉన్న రాష్ట్రాన్ని గత ప్రభుత్వం అప్పుల రాష్ట్రంగా మార్చిందని విమర్శించారు. వాళ్లు చేసిన అప్పులకు నెలకు రూ.5 వేల కోట్లు వడ్డీ కడుతూనే 6 గ్యారంటీలను అమలు చేస్తున్నామని తెలిపారు.
రూ.2 లక్షల రూణమాఫీ సాంకేతిక కారణాలతో నిలిచిపోతే.. అధికారంలో ఉన్నప్పుడు రూణమాఫీ చేయని బీఆర్ఎస్ నేతలు చిల్లర రాజకీయం చేస్తున్నారన్నారు. అక్టోబర్ 2 నుంచి అర్హులకు రేషన్ కార్డులు ఇస్తామని, దసరా నుంచి అర్హులైన ప్రతి ఒక్కరికీ ఇందిరమ్మ ఇండ్లు ఇస్తామని తెలిపారు. అనంతరం పట్టణానికి చెందిన 74 మందికి షాదీ ముబారక్, 10 మందికి రైతు బీమా చెక్కులను అందజేశారు.
మార్కెట్ చైర్మన్ పల్లెపాగ ప్రశాంత్, వేముల శ్రీనివాస్ రెడ్డి, బోయోజ్, శ్రీను, బీచుపల్లి, చంద్రశేఖర్ రెడ్డి, ఎల్లంపల్లి నరేందర్ రెడ్డి, చీర్ల రాము, మోహన్ రెడ్డి, సాయిలు యాదవ్, లతీఫ్, జక్కుల నాగన్న, జగదీశ్, వడ్డే కృష్ణ, వెంకటనారాయణ పాల్గొన్నారు.
