చండ్రుగొండ, వెలుగు: డబుల్ బెడ్ రూమ్ ఇండ్ల ను వరద ముంచెత్తకుండా చర్యలు తీసుకుంటానని అశ్వారావుపేట నియోజకవర్గ ఎమ్మెల్యే జారె ఆదినారాయణ లబ్ధిదారులకు హామీ ఇచ్చారు. సోమవారం చండ్రుగొండ లోని డబుల్ బెడ్ రూమ్ ఇండ్ల ను పరిశీలించారు.
ఇండ్ల చుట్టూ ఉన్న ప్రహరీ గోడ ఎత్తు పెంచి, కాలనీ లో సీసీ రోడ్లు, బత్ రూమ్లు, స్లాబ్ కురవకుండా ఫ్లోరింగ్ లాంటి మౌలిక వసతులు కల్పిస్తానని హామీ ఇచ్చారు. ప్రస్తుతం పునరావాస కేంద్రాలకు వెళ్ళాలని, భోజన సదుపాయం కల్పిస్తానని భారోసానిచ్చారు. ఎమ్మెల్యే వెంట ఎంపీడీవో అశోక్, తహసీల్దారు సంధ్యారాణి, కాంగ్రేస్ లీడర్లు ఉన్నారు.
వైద్య సిబ్బందిపై ఆగ్రహం
ములకలపల్లి : మండల కేంద్రంలోని మంగపేట పీహెచ్సీని ఎమ్మెల్యే జారే సోమవారం ఆకస్మికంగా తనిఖీ చేశారు. హాస్పిటల్లో రోగులు బారులు తీరారు.. కానీ డాక్టర్లు విధుల్లో లేరు. మందులు కూడా ఇవ్వడం లేదని, బయటనే కొనాలని పేషెంట్లు ఎమ్మెల్యే దృష్టికి తెచ్చారు. దీంతో వెంటనే డీఎంహెచ్వో, కలెక్టర్కు ఎమ్మెల్యే ఎమ్మెల్యే ఫోన్ చేసి సమస్యను వివరించారు.
పీహెచ్సీ డాక్టర్లు, సిబ్బంది తీరుపై ఆగ్రహం వ్యక్తం చేశారు. అనంతరం స్థానిక ప్రభుత్వ జూనియర్ కళాశాలలో జరుగుతున్న రిపేర్లను పరిశీలించి ఫిబ్రవరి నాటికి పూర్తి చేయాలని కాంట్రాక్టర్ను ఆదేశించారు. మండల పరిషత్ కార్యాలయంలో పారిశుద్ధ్య కార్యక్రమాలపై ఎంపీడీవో మహాలక్ష్మి, తహసీల్దార్ పుల్లారావులతో కలిసి సమీక్షా సమావేశం నిర్వహించారు. అధికారులంతా అలర్ట్ గా ఉండాలని సూచించారు.
