- బీజేపీ జిల్లా అధ్యక్షుడు పాయల్ శంకర్
ఆదిలాబాద్టౌన్, వెలుగు: ఎన్నికలు దగ్గర పడుతున్నాయని ఎమ్మెల్యే జోగు రామన్న బీసీలకు రూ. లక్ష లోన్లు అని మభ్యపెట్టే ప్రయత్నం చేస్తున్నారని బీజేపీ జిల్లా అధ్యక్షుడు పాయల్ శంకర్ ఫైర్ అయ్యారు. మహాజన్ సంపర్క్ అభియాన్ లో భాగంగా గురువారం పట్టణంలోని భూక్తాపూర్ కాలనీలో ఇంటింటికీ బీజేపీ కార్యక్రమాన్ని నిర్వహించారు. ఆయన మాట్లాడుతూ.. కేంద్రంలోని తొమ్మిదేళ్ల బీజేపీ ప్రభుత్వంలో రాష్ట్రానికి వేలకోట్ల ఫండ్స్ వచ్చాయన్నారు.
రాష్ట్ర ప్రభుత్వం ఆ నిధులను లబ్ధిదారులకు చేరకుండా మధ్యలోనే మింగేసిందని ఆరోపించారు. స్థానిక ఎమ్మెల్యే జోగు రామన్న నాలుగుసార్లు ఎమ్మెల్యేగా గెలిచినా నియోజకవర్గానికి చేసిందేమిటో చెప్పాలని డిమాండ్ చేశారు. కార్యక్రమంలో జిల్లా నాయకులు ఆకుల ప్రవీణ్, జోగురవి, రాజశేఖర్, ధోని జ్యోతి, ముకుంద్ రావు, శివ, నరేశ్, రాజూ, కృష్ణారెడ్డి, శ్రీకాంత్, కార్యకర్తలు పాల్గొన్నారు.
