- స్టేషన్ఘన్పూర్ ఎమ్మెల్యే కడియం శ్రీహరి ఫైర్
- కిషన్ రెడ్డి ప్రెస్ మీట్ లు కాదు.. కేందం నుంచి నిధులు తీసుకురా..
స్టేషన్ఘన్పూర్, వెలుగు: కాంగ్రెస్ ప్రభుత్వం పేదలకు ఇందిరమ్మ ఇండ్లు ఇస్తుంటే కేంద్ర మంత్రి బండి సంజయ్కు ఓర్వలేక అడ్డుకుంటున్నారని స్టేషన్ఘన్పూర్ ఎమ్మెల్యే కడియం శ్రీహరి విమర్శించారు. కేంద్రం నుంచి నిధులు ఇవ్వమని బండి సంజయ్ అంటున్నారని.. తెలంగాణ నీ అయ్య జాగీరా..? అంటూ ఫైర్ అయ్యారు. జనగామ జిల్లా స్టేషన్ఘన్పూర్ కాంగ్రెస్ఆఫీస్లో ఆదివారం ఆయన మీడియాతో మాట్లాడారు.
మరో కేంద్ర మంత్రి కిషన్రెడ్డికి రాష్ట్రంపై ప్రేమ ఉంటే ప్రెస్మీట్ లు పెట్టడం మాని..రాష్ట్ర అభివృద్ధికి రూ.10వేల కోట్ల నిధులు తీసుకురావాలని డిమాండ్ చేశారు. కేంద్ర ప్రభుత్వం ఆకాశంపై నుంచి ఊడి పడలేదని, అన్ని రాష్ట్రాలు కలిస్తేనే కేంద్రమని పేర్కొన్నారు. దేశంలో ఒకేసారి 4 సంక్షేమ పథకాలను అమలు చేసిన ఘనత కాంగ్రెస్ ప్రభుత్వానికే దక్కిందన్నారు. రాజ్యాంగ స్ఫూర్తికి, సుప్రీంకోర్టు తీర్పుకు లోబడి ఎస్సీ వర్గీకరణకు చట్టబద్ధత కల్పించాలని ఆయన కోరారు. ఎమ్మార్పీఎస్ వ్యవస్థాపక అధ్యక్షుడు మంద కృష్ణ మాదిగకు పద్మశ్రీ పురస్కారం రావడం మాదిగలు, ఉప కులాలకు దక్కిన గౌరవమన్నారు. జిల్లా గ్రంథాలయ చైర్మన్రాంబాబు, ఏఎంసీ చైర్పర్సన్లావణ్య, కాంగ్రెస్జిల్లా నేతలు నరేందర్రెడ్డి, వెంకన్న, శంకర్ తదితరులు
పాల్గొన్నారు.
