స్టేషన్ఘన్పూర్, వెలుగు: నియోజకవర్గంలోని ప్రతి ఎకరాకు సాగు నీరందించడమే ధ్యేయమని స్టేషన్ఘన్పూర్ ఎమ్మెల్యే కడియం శ్రీహరి అన్నారు. గురువారం హైదరాబాద్ లోని నీటిపారుదలశాఖ ఆఫీస్లో ఆయన ఈఎన్సీ నాగేందర్రావుతో కలిసి నియోజకవర్గంలోని దేవాదుల కాలువలు, తూముల పూడికతీత, అభివృద్ధి పనులపై రివ్యూ నిర్వహించారు. ఎమ్మెల్యే కడియం శ్రీహరి మాట్లాడుతూ దేవాదుల ప్రాజెక్టు ద్వారా నియోజకవర్గంలోని చివరి ఆయకట్టు వరకు సాగు నీరందించాలని కోరారు. కెనాల్స్, తూములకు తక్షణమే రిపేర్ చేయాలని ఈఎన్సీని కోరారు.
స్టేషన్ఘన్పూర్ రిజర్వాయర్ నుంచి నవాబుపేట రిజర్వాయర్ వరకు ఉన్న మెయిన్ కెనాల్, అశ్వరావుపల్లి రైట్ మెయిన్ కెనాల్ డిస్ట్రిబ్యూటరీల్లో పేరుకుపోయిన పూడికతీతను తొలగించాలని, డిస్ట్రిబ్యూటరీల ఏర్పాటుకు అవసరమైన భూసేకరణ సమస్యను పరిష్కరించాలని కోరారు. స్టేషన్ఘన్పూర్ మండలంలోని పాంనూరులోని బంజరుమాటు నిర్మాణానికి పంపించిన ప్రతిపాదనలను వెంటనే మంజూరు చేయాలని కోరారు. జఫర్గఢ్ మండలంలోని థంసా చెరువుకు ఫాడర్ చానల్ను నిర్మించాలన్నారు. ఈన్ఎసీ నాగేందర్రావు మాట్లాడుతూ అవసరమైన ప్రతిపాదనలు సిద్ధం చేయాలని, అనుమతులు తీసుకుని నిర్దేశించిన గడువులోగా పనులు చేయాలని దేవాదుల సీఈని ఆదేశించారు.
