స్టేషన్ఘన్పూర్ (చిల్పూరు), వెలుగు: చిల్పూరుగుట్ట బుగులు వేంకటేశ్వరస్వామి దేవస్థానం అభివృద్ధిపై సీఎం రేవంత్రెడ్డికి నివేదిస్తామని ఎమ్మెల్యే కడియం శ్రీహరి అన్నారు. జనగామ జిల్లా చిల్పూరు మండలం బుగులు వేంకటేశ్వరస్వామి ఆలయ చైర్మన్పొట్లపల్లి శ్రీధర్రావు, 14 మంది పాలక కమిటీ సభ్యులు సోమవారం ప్రమాణస్వీకారం చేశారు. కార్యక్రమానికి ఎమ్మెల్యే చీఫ్ గెస్ట్గా హాజరయ్యారు. ఆలయ ఈవో లక్ష్మిప్రసన్న ఆధ్వర్యంలో అర్చకులు ఎమ్మెల్యేను పూర్ణకుంభంతో స్వాగతించగా, స్వామి వారిని దర్శించుకుని పూజలు చేశారు. ఎమ్మెల్యేను, చైర్మన్శ్రీధర్రావును, పాలక కమిటీ సభ్యులను శేషవస్త్రాలతో సన్మానించారు.
అనంతరం ఎమ్మెల్యే మాట్లాడుతూ పాలక కమిటీ ఆలయ అభివృద్ధికి కృషి చేయాలని సూచించారు. అర్చకులు రవీందర్శర్మ, రంగాచార్యులు, డైరెక్టర్లు పాల్గొన్నారు. అంతకుముందు స్టేషన్ఘన్పూర్మండలం చాగల్లు శివారులో విక్రమ్దాబా అండ్రెస్టారెంట్ను ఎమ్మెల్యే కడియం ప్రారంభించారు. ఇప్పగూడెం పంచాయతీ ఆవరణలో జరిగిన గ్రామసభకు హాజరైన ఎమ్మెల్యే గ్రామాభివృద్ధికి ప్రతి ఒక్కరూ సహకరించాలని కోరారు. ఎంపీడీవో అనుముల విజయశ్రీ, తహసీల్దార్వెంకటేశ్వర్లు, ఏసీపీ భీమ్శర్మ, సీఐ వేణు తదితరులు పాల్గొన్నారు
