స్టేషన్ఘన్పూర్, వెలుగు: ప్రజల నమ్మకాన్ని శిరసావహిస్తూ, నిజాయితీతో పనిచేస్తామని ఎమ్మెల్యే కడియం శ్రీహరి అన్నారు. జనగామ జిల్లా స్టేషన్ఘన్పూర్ డివిజన్ కేంద్రంలోని క్యాంప్ఆఫీస్లో సోమవారం ఎమ్మెల్యే మీడియాతో మాట్లాడారు. నియోజకవర్గంలో అభివృద్ధి పనులకు ప్రభుత్వం రూ.300 కోట్లు మంజూరు చేసిందని తెలిపారు. తొలివిడత యంగ్ ఇండియా ఇంటిగ్రేటెడ్ రెసిడెన్షియల్స్ స్కూల్స్ మంజూరులో స్టేషన్ఘన్పూర్ నియోజకవర్గం ఉందన్నారు.
దాదాపుగా రూ.150-200 కోట్లతో స్కూల్నిర్మిస్తామన్నారు. డివిజన్కేంద్రం స్టేషన్ఘన్పూర్లో 100 పడకల ఆస్పత్రి మంజూరు చేయాలని సీఎం రేవంత్రెడ్డికి వినతిచేయగా, సానుకూలంగా స్పందిస్తూ మంజూరు చేస్తూ జీవో జారీచేశారని తెలిపారు. త్వరలోనే సీఎం చేతుల మీదుగా శంకుస్థాపన చేయిస్తామని చెప్పారు. స్టేషన్ఘన్పూర్కు ప్రభుత్వ డిగ్రీ కాలేజీ మంజూరు చేస్తూ ప్రభుత్వం జీవో విడుదల చేసిందన్నారు. వచ్చే ఏడాది నుంచి క్లాసులు ప్రారంభిస్తారన్నారు.
స్థానికంగా ఆర్డీవో ఆఫీస్, తహసీల్దార్, ఎంపీడీవో, ఇతర ప్రభుత్వ ఆఫీసులన్నీ ఒకేచోట ఉండేలా ప్రభుత్వం ఇంటిగ్రేటెడ్ఆఫీసుల కాంప్లెక్స్ నిర్మాణానికి నిధులు రూ.26 కోట్లు, స్టేషన్ఘన్పూర్ శివారు ఇందిరానగర్నుంచి మల్లన్నగండి రిజర్వాయర్వరకు ప్రస్తుతమున్న సింగిల్రోడ్డును డబుల్రోడ్డుగా అభివృద్ధి చేసేందుకు ప్రభుత్వం రూ.15 కోట్లు మంజూరు చేస్తూ జీవో ఇచ్చిందని తెలిపారు. కార్యక్రమంలో జిల్లా గ్రంథాలయ చైర్మన్మారజోడు రాంబాబు, ఏఎంసీ చైర్పర్సన్ జూలకుంట్ల లావణ్యాశిరీశ్రెడ్డి, వైస్ చైర్మన్నూకల ఐలయ్య, చిల్పూరుగుట్ట బుగులు వేంకటేశ్వరస్వామి దేవస్థానం చైర్మన్ పొట్లపల్లి శ్రీధర్రావు, కాంగ్రెస్ నాయకులు పాల్గొన్నారు.
