నల్లగొండ జిల్లాచండూర్ మున్సిపాలిటీలో ఎమ్మెల్యే కోమటిరెడ్డి రాజగోపాలరెడ్డి పర్యటించారు. జిల్లా పరిషత్ ఉన్నత పాఠశాలలో స్వచ్చదనం- ...పచ్చదనం కార్యక్రమం లో ఆయన పాల్గొన్నారు. అనంతరం పాఠశాలలో మధ్యాహ్నభోజనం పథకం ఏర్పాట్లను పరిశీలించారు. ఇంకా మున్సిపాల్టీలో పలు అభివృద్ది కార్యక్రమాలకు శ్రీకారం చుట్టారు.
అమృత్ పథకం లో భాగంగా చండూర్ లో 5 లక్షల లీటర్ల క్యాపాసిటి కలిగిన రెండు త్రాగునీటి ట్యాంక్ ల నిర్మాణానికి శంకుస్థాపన చేశారు. అనంతరం జరిగిన సభలో ఆయన మాట్లాడుతూ.... 2018లో కాంగ్రెస్ అధికారంలో లేకపోవడం వలన చండూరు అభివృద్ది ఆగిపోయిందన్నారు. గతంలో జరిగిన
మున్సిపాలిటీ ఎన్నికల్లో చండూరులో ప్రతి గల్లి తిరిగిన వ్యక్తి సాదక బాధలు తెలుసుకున్నాన్నారు. ఇంకా ఈ ప్రాంతంలోని చేనేత కార్మికులు చాలా రకాల సమస్యల్లో కష్టాల్లో ఉన్నారని... వారు నమ్ముకున్న వృత్తి వాళ్లకు కడుపునిండా అన్నం పెట్టలేని స్థితిలో ఉందని ఆవేదన వ్యక్తం చేశారు.
ప్రస్తుతం తెలంగాణలో కాంగ్రెస్ అధికారంలో ఉంది కాబట్టి చండూర్ ను అభివృద్ది చేసే బాధ్యతను తీసుకుంటానని ఎమ్మెల్యే రాజగోపాలరెడ్డి అన్నారు.
వర్షాకాలం లో రోడ్ల పై మురుగునీరు నిల్వ ఉండకుండా చర్యలు తీసుకోవాలని మున్సిపల్ అధికారులను ఆదేశించారు ఎమ్మెల్యే కోమటిరెడ్డి రాజగోపాలరెడ్డి. చండూరు, చౌటుప్పల్ మున్సిపాలిటీ పరిధిలో మురుగు కాలువల మరమ్మత్తులను పూర్తిచేయాలని అధికారులను కోరారు. గత ప్రభుత్వంలో కాంట్రాక్టర్ లకు చేసిన పనులకు బిల్లులు చెల్లించలేదని... కొన్ని పనులు మధ్యలోనే ఆపేశారని అలాంటి పనులకు వెంటనే బిల్లులు చెల్లిస్తామన్నారు. నియోజకవర్గ అభివృద్ది విషయంలో ఎలాంటి రాజీ పడే ప్రసక్తి లేదన్నారు ఎమ్మెల్యే కోమటిరెడ్డి రాజగోపాలరెడ్డి..
