పాల్వంచ రూరల్, వెలుగు: ప్రభుత్వ పాఠశాలల్లో విద్యార్థులకు మెరుగైన విద్యనందించాలని ఎమ్మెల్యే కూనంనేని సాంబశివరావు, కలెక్టర్ జితేష్పాటిల్ ఉపాధ్యాయులకు సూచించారు. సోమవారం మండల పరిధిలోని జగన్నాథపురం ఉన్నత పాఠశాలలో టీఎన్ఆర్ ట్రస్ట్ చైర్మన్ తాండ్ర వెంకటేశ్వరరావు అందించిన కంప్యూటర్లను ఎమ్మెల్యేతో కలిసి కలెక్టర్ ప్రారంభించారు.
ఈ సందర్భంగా వారు మాట్లాడుతూ ప్రభుత్వ పాఠశాలల్లో క్వాలిఫై టీచర్స్ ఉంటారని, వారి ద్వారా విద్యార్థులు మంచిగా చదువుకొని విద్యను సద్వినియోగం చేసుకోవాలని కోరారు. పాఠశాలకు ప్రహరీతోపాటు విద్యార్థులకు కావల్సిన క్రీడా సామగ్రి, ఇతర బోధన ఉపకరణాలను అందించేందుకు చర్యలు తీసుకుంటామన్నారు. కార్యక్రమంలో డీఈవో వెంకటేశ్వరచారి, తహసీల్దార్ వివేక్, ఎంపీడీవో విజయభాస్కర్రెడ్డి, ట్రస్ట్ సభ్యులు నడిపల్లి నవీన్, సీపీఐ నాయకులు, ఉపాధ్యాయులు, విద్యార్థులు పాల్గొన్నారు.
