పాల్వంచ రూరల్, వెలుగు : పాల్వంచ మండల పరిధిలోని పలు గ్రామపంచాయతీల్లో రూ.కోటితో నిర్మాణం చేసిన జీపీ కార్యాలయాలను కొత్తగూడెం ఎమ్మెల్యే కూనంనేని సాంబశివరావు శుక్రవారం ప్రారంభించారు. మండల పరిధిలోని కొత్తసూరారం, మందెరికలపాడు, రంగాపురం కాలనీ, పాతసూరారం, గ్రామాల్లో ఒక్కొక్క గ్రామపంచాయతీ కార్యాలయానికి రూ.20లక్షలతో నిర్మాణం చేశారు.
ఈ సందర్భంగా ఆయన మాట్లాడుతూ దశలవారీగా పాల్వంచ మండల ప్రజలు ఎదుర్కొంటున్న సమస్యలను పరిష్కరిస్తానని హామీ ఇచ్చారు. రాష్ట్ర ప్రభుత్వం అమలు చేసే పథకాలను ప్రజలు సద్వినియోగం చేసుకోవాలని సూచించారు. కార్యక్రమంలో తహసీల్దార్ నాగరాజు, ఎంపీడీవో అప్పారావు, డీసీఎంఎస్ వైస్ చైర్మన్ కొత్వాల శ్రీనివాసరావు, జడ్పీటీసీ బీ.వాసుదేవరావు, సీపీఐ జిల్లా కార్యదర్శి ఎస్కే షబీర్పాషా, రైతుసంఘ నాయకులు ముత్యాల విశ్వనాథం, జాలె జానకిరెడ్డి తదితరులు పాల్గొన్నారు.
