దుబ్బాక, వెలుగు: అక్భర్పేట, భూంపల్లి మండల పరిధిలోని రామలింగేశ్వర(కూడవెళ్లి) ఆలయంలో ఎమ్మెల్యే కొత్త ప్రభాకర్ రెడ్డి రాష్ట్ర ఎస్సీ, ఎస్టీ కమిషన్ చైర్మన్ బక్కి వెంకటయ్యతో కలిసి బుధవారం ప్రత్యేక పూజలు చేశారు. ఆలయ నిర్వాహకులు, పూజారులు పూర్ణ కుంభంతో ఎమ్మెల్యేకు స్వాగతం పలికారు. ఈ నెల 29 నుంచి మూడు రోజుల పాటు జరిగే జాతర ఏర్పాట్లను పరిశీలించారు. అనంతరం దుబ్బాక మండలం పోతారం గ్రామంలో నిర్వహిస్తున్న ఫ్రీ హెల్త్ క్యాంప్ను సందర్శించి, వాటర్ ఫిల్టర్ ప్రారంభించారు.
ప్రాథమిక పాఠశాల విద్యార్థులకు స్టీల్ బాటిల్స్ పంపిణీ చేశారు. దుబ్బాక ఎమ్మెల్యే క్యాంప్ కార్యాలయంలో దౌల్తాబాద్, అక్భర్పేట భూంపల్లి, దౌల్తాబాద్, మిరుదొడ్డి, తొగుట మండలాల్లోని లబ్ధిదారులకు సీఎంఆర్ఎఫ్ చెక్కులను అందజేశారు. దుబ్బాక మున్సిపల్ సర్వ సభ్య సమావేంలో ఎమ్మెల్యే పాల్గొని మాట్లాడారు.
