- ఎమ్మెల్యే ప్రభాకర్రెడ్డి
దుబ్బాక, వెలుగు: ప్లాస్టిక్ నిర్మూలన స్టీల్బ్యాంక్లతోనే సాధ్యమని ఎమ్మెల్యే కొత్త ప్రభాకర్రెడ్డి అన్నారు. సోమవారం పట్టణ కేంద్రంలో మెప్మా ఆధ్వర్యంలో ఏర్పాటు చేసిన స్టీల్బ్యాంక్ను ప్రారంభించారు. ఈ సందర్భంగా ఆయన మాట్లాడుతూ.. దుబ్బాకను ప్లాస్టిక్ రహితంగా తీర్చిదిద్దడానికి ప్రతి ఒక్కరూ నడుం బిగించాలన్నారు. డబ్బు పోతే తిరిగి సంపాదించుకోవచ్చని ఆరోగ్యం చెడిపోతే ఏమీచేయలేమన్నారు.
ఫంక్షన్లకు స్టీల్ వస్తువులను వాడాలని, స్టీల్బ్యాంక్ ద్వారా తక్కువ ధరకే వస్తువులను పొందవచ్చన్నారు. భవిష్యత్లో నియోజకవర్గంలోని ప్రతీ గ్రామంలో స్టీల్బ్యాంక్ ఏర్పాటు చేయడానికి కృషి చేయాలని నిర్వాహకులను కోరారు.
ఇటీవల ఎన్నికైన దుబ్బాక పద్మశాలి సంఘ కార్యవర్గాన్ని సన్మానించారు. అంతకు ముందు మిరుదొడ్డి మండల కేంద్రంలోని ప్రభుత్వ ఉన్నత పాఠశాలలో స్కూల్ గేమ్స్ ఫెడరేషన్ ఆఫ్ ఇండియా కార్యక్రమాన్ని ప్రారంభించారు. కార్యక్రమంలో ఎస్సీ, ఎస్టీ కమిషన్చైర్మన్వెంకటయ్య, మున్సిపల్చైర్పర్సన్వనితా, కమిషనర్ రమేశ్ కుమార్, ఎంఈవో ప్రభుదాస్, కౌన్సిలర్యాదగిరి పాల్గొన్నారు.
