భద్రాద్రికొత్తగూడెం, వెలుగు : రైతులకు ఇబ్బంది లేకుండా ధాన్యం కొనుగోళ్లు చేపట్టాలని కొత్తగూడెం ఎమ్మెల్యే కూనంనేని సాంబశివరావు అన్నారు. నియోజకవర్గంలోని పలు చోట్ల ఏర్పాటు చేసిన ధాన్యం కొనుగోలు కేంద్రాలను ఆయన బుధవారం ప్రారంభించారు. లక్ష్మీదేవిపల్లి మండలంలో కొత్తగా నిర్మించిన ఫారెస్ట్ డివిజనల్ మేనేజర్స్ ఆఫీస్ కాంప్లెక్స్ను సీఎం రేవంత్ రెడ్డి హైదరాబాద్ నుంచి వర్చువల్ పద్ధతిలో ప్రారంభించగా ఇక్కడ ఎమ్మెల్యే హాజరయ్యారు. కాంప్లెక్స్తో పాటు ఫారెస్ట్ బీట్ ఆఫీసర్ల క్వార్టర్లను ఎమ్మెల్యే ప్రారంభించారు. కలెక్టర్ తో కలిసి మొక్కలు నాటారు.
పర్యాటక హబ్ గా కిన్నెరసాని
పాల్వంచ : అత్యధిక అటవీ భూభాగంతో నిండి ఉన్న కిన్నెరసానిని పర్యాటక హబ్ గా తీ ర్చిదిద్దుతామని ఎమ్మెల్యే కూనంనేని అన్నారు. కిన్నెరసాని పర్యాటక కేంద్రంలో కొత్తగా నిర్మించిన రేంజ్ ఆఫీస్ భవనాన్ని ఆయన ప్రారంభించారు.
సత్తుపల్లి : సత్తుపల్లిలోని ఫారెస్ట్ కార్పొరేషన్ కార్యాలయ భవనంతో పాటు సిబ్బంది క్వార్టర్స్ ను బుధవారం సీఎం రేవంత్ రెడ్డి వర్చువల్ గా ప్రారంభించారు. ఇక్కడ ఎమ్మెల్యే డాక్టర్ మట్టా రాగమయి, డీఎఫ్ వో సిద్ధార్థ విక్రమ్ సింగ్ డివిజనల్ మేనేజర్ గణేశ్, ఎఫ్ డీవో మంజుల రిబ్బన్ కట్ చేశారు. సత్తుపల్లి, కల్లూరు మార్కెట్ కమిటీ చైర్మన్లు ఆనంద్, నీరజ ఉన్నారు.
