- ఎమ్మెల్యే మహిపాల్ రెడ్డి
పటాన్చెరు, వెలుగు: మల్లన్న స్వామి ఆశీస్సులతో ప్రజలందరూ సుభిక్షంగా ఉండాలని ఎమ్మెల్యే మహిపాల్ రెడ్డి అన్నారు. ఆదివారం పటాన్చెరు డివిజన్ పరిధిలోని ఆల్విన్ కాలనీలో ఉన్న మల్లికార్జున స్వామి ఆలయంలో కల్యాణ మహోత్సవం, జాతర నిర్వహించారు. ఈ సందర్భంగా ఎమ్మెల్యే దంపతులు హాజరై ఆలయంలో ప్రత్యేక పూజలు చేశారు.
అనంతరం ఆయన మాట్లాడుతూ.. తెలంగాణ సంస్కృతి సంప్రదాయాలకు జాతరలు ప్రతీక అన్నారు. కార్యక్రమంలో మాజీ కార్పొరేటర్ శంకర్, మాజీ ఎంపీపీ యాదగిరి, ఎమ్మెల్యే సతీమణి యాదమ్మ, కల్పన, పల్లవి, మల్లేశ్ యాదవ్, ఆలయ కమిటీ సభ్యులు పాల్గొన్నారు.
