రామచంద్రాపురం, వెలుగు: పదవిలో ఉన్నా లేకున్నా ప్రజా సమస్యల పరిష్కార బాధ్యత స్థానిక నాయకులదేనని ఎమ్మెల్యే మహిపాల్ రెడ్డి అన్నారు. అధికారులకు, ప్రజలకు వారధిగా నాయకులు పనిచేస్తేనే సమస్యలు పరిష్కారమవుతాయని ఆయన పేర్కొన్నారు. బుధవారం తెల్లాపూర్ మున్సిపాలిటీ పరిధిలోని పలు వార్డులలో రూ. 17. 82 కోట్లతో చేపట్టిన అభివృద్ధి పనుల ప్రారంభోత్సవాలు, శంకుస్థాపనలు ఎమ్మెల్యే చేశారు. ఈ సందర్భంగా ఏర్పాటు చేసిన కార్యక్రమంలో మాట్లాడుతూ.. ఓట్లేసి గెలిపించిన ప్రజల నమ్మకాన్ని వమ్ము చేయకుండా పనిచేయాలని నాయకులకు సూచించారు.
నాలుగు రోజుల్లో పాలకవర్గం పదవీకాలం పూర్తవుతుందని, మాజీలుగా మారినా ప్రజా సమస్యలపై స్పందించాలని కోరారు. తెల్లాపూర్ను దాదాపు 200 కోట్ల నిధులతో అభివృద్ధి చేసి ఆదర్శ మున్సిపాలిటీగా మార్చామన్నారు. కార్యక్రమాలలో మున్సిపల్ చైర్మన్ లలితా, వైస్ చైర్మన్ రాములు గౌడ్, కమీషనర్ సంగారెడ్డి, తహసీల్దార్ సంగ్రామ్ రెడ్డి, కౌన్సిలర్లు, కో ఆప్షన్ సభ్యులు, అధికారులు పాల్గొన్నారు.
