రంగారెడ్డి, వెలుగు: ఇబ్రహీంపట్నం కాంగ్రెస్ ఎమ్మెల్యే మల్రెడ్డి రంగారెడ్డికి మంత్రి పదవి ఇవ్వాలని ఆయన అభిమాని ఒకరు 25 కి.మీ పాదయాత్ర చేశారు. రంగారెడ్డి జిల్లా అబ్దుల్లాపూర్ మెట్ మండలం కుబ్దుల్లాపూర్కు చెందిన సందిల రోహిత్ గౌడ్.. హయత్ నగర్ నుంచి కొంగర రావిర్యాల వరకు ఫ్లెక్సీతో పాదయాత్ర చేశాడు.
అనంతరం అక్కడి సూర్యగిరి ఎల్లమ్మ దేవాలయంలో మల్ రెడ్డికి మంత్రి పదవి రావాలని ప్రత్యేక పూజలు నిర్వహించారు. ఎన్నో ఏళ్లుగా కాంగ్రెస్ను నమ్ముకొని పార్టీ బలోపేతానికి కృషి చేసిన రంగారెడ్డికి మంత్రి పదవి ఇవ్వాలని రోహిత్ కోరారు.
