తొర్రూరు(పెద్దవంగర)/ రాయపర్తి, వెలుగు : రైతులను ఆదుకోవడమే కాంగ్రెస్ ప్రభుత్వ సంకల్పమని పాలకుర్తి ఎమ్మెల్యే మామిడాల యశస్విని రెడ్డి అన్నారు. మహబూబాబాద్జిల్లా పెద్దవంగర మండల కేంద్రంలో పీఏసీఎస్ ఆధ్వర్యంలో ఏర్పాటు చేసిన ధాన్యం కొనుగోలు కేంద్రాన్ని చైర్మన్ కాకిరాల హరిప్రసాద్ తో కలిసి ఆమె ప్రారంభించారు. వరంగల్జిల్లా రాయపర్తి మండలం మొరిపిరాల శివారులోని హరిచందన, భాగ్యలక్ష్మి జిన్నింగ్మిల్లుల్లో సీసీఐ ఆధ్వర్యంలో ఏర్పాటు చేసిన పత్తి కొనుగోలు కేంద్రాలు, తిర్మలాయపల్లి, మైలారం, జగన్నాథపల్లి, గట్టికల్లు, ఊకల్లు గ్రామాల్లో ఐకేపీ, పీఏసీఎస్ఆధ్వర్యంలో ఏర్పాటు
చేసిన ధాన్యం కొనుగోలు కేంద్రాలను ఎమ్మెల్యే ప్రారంభించారు. ఈ సందర్భంగా ఆమె మాట్లాడుతూ కొనుగోలు కేంద్రాలను రైతులు సద్వినియోగం చేసుకోవాలని సూచించారు. కేంద్రాల వద్ద అన్ని ఏర్పాట్లు చేయాలని నిర్వాహకులను ఆదేశించారు. కార్యక్రమాల్లో కాంగ్రెస్పార్టీ పెద్దవంగర, రాయపత్తి మండలాల అధ్యక్షుడు ముద్దసాని సురేశ్, ఈదులకంటి రవీందర్రెడ్డి, బ్లాక్ అధ్యక్షుడు జాటోతు అమ్యానాయక్, పాలకుర్తి సోమేశ్వర ఆలయ చైర్మన్ తిరుమల కృష్ణమాచార్యులు, నాయకులు తదితరులు పాల్గొన్నారు.
క్రీడాకారిణికి ఆర్థికసాయం
తొర్రూరు : మహబూబాబాద్ జిల్లా పెద్దముప్పారానికి చెందిన బల్గూరి తేజస్విని రెడ్డి జాతీయ స్థాయి ఫెన్సింగ్, కబడ్డీ పోటీలకు ఎంపిక కావడంతో శనివారం ఎమ్మెల్యే మామిడాల యశస్వినిరెడ్డి పట్టణంలోని క్యాంప్ ఆఫీస్లో తేజస్విని సన్మానించి, అనంతరం రూ.35వేల ఆర్థికసాయం అందించారు. అదేవిధంగా ఇటీవల తొర్రూరు డివిజన్ నూతన ఆర్డీవోగా బాధ్యతలు చేపట్టిన గణేశ్ఎమ్మెల్యేను మర్యాదపూర్వకంగా కలిసి బొకే అందజేశారు.
