పాలకుర్తి, వెలుగు: ధాన్యం కొనుగోలు కేంద్రాల్లో రైతులను చీటింగ్ చేస్తే కఠిన చర్యలు తీసుకుంటామని ఎమ్మెల్యే మామిడాల యశస్వినిరెడ్డి హెచ్చరించారు. గురువారం జనగామ జిల్లా దేవరుప్పుల మండలం రామరాజుపల్లి, పాలకుర్తి మండలం మల్లంపల్లి, తొర్రూరు, అయ్యంగారిపల్లి గ్రామాల్లో ఎమ్మెల్యే ధాన్యం కొనుగోలు కేంద్రాలను ప్రారంభించారు. ఈ సందర్భంగా ఆమె మాట్లాడుతూ కొనుగోలు కేంద్రాల్లో రైతులకు ఎలాంటి ఇబ్బందులున్నా నేరుగా తనకు ఫోన్ చేసి చెప్పాలన్నారు.
ప్రభుత్వం సన్నరకం వడ్లకు రూ.500 బోనస్ఇస్తుందని, ప్రభుత్వం ఏర్పాటు చేసిన కేంద్రాల్లో ధాన్యం విక్రయించాలని అన్నారు. అనంతరం కొడకండ్ల మండలంలోని బయ్యన్న రిజర్వాయర్ లో ఉచిత చేపపిల్లలను వదిలారు. కార్యక్రమంలో బ్లాక్ కాంగ్రెస్ అధ్యక్షుడు రాపాక సత్యనారాయణ, కాంగ్రెస్ పార్టీ పాలకుర్తి, దేవరుప్పుల, కొడకండ్ల మండలాల అధ్యక్షులు గిరగాని కుమారస్వామి గౌడ్, ధీరావత్ సురేశ్నాయక్, నల్లా శ్రీరాములు తదితరులు పాల్గొన్నారు.
