పెనుబల్లి, వెలుగు : విద్యార్థులు చదువులు పక్కన పెట్టి సెల్ ఫోన్ మోజులో పడొద్దని సత్తుపల్లి ఎమ్మెల్యే మట్టా రాగమయి అన్నారు. మండల పరిధిలోని కుప్పెనకుంట్ల గ్రామంలోని ప్రభుత్వ బాలుర గురుకుల పాఠశాలను బుధవారం ఆమె ఆకస్మికంగా తనిఖీ చేశారు. ఈ సందర్భంగా ఎమ్మెల్యే మాట్లాడుతూ త్వరలో నియోజకవర్గాల్లో రూ.200 కోట్లతో ఇంటిగ్రేటెడ్ గురుకుల పాఠశాలలు నిర్మించేందుకు ప్రభుత్వం ప్లాన్ చేస్తోందన్నారు. టెన్త్ స్టూడెంట్స్మంచిగా చదివి వంద శాతం రిజల్ట్స్ సాధించాలని సూచించారు.
అనంతరం విద్యార్థులతో కలిసి పతంగులు ఎగురవేశారు. చిన్నారులకు బోగి పళ్లు పోశారు. సీఎంఆర్ఎఫ్లబ్ధిదారుల ఇండ్ల వద్దకు వెళ్లి చెక్కులు అందజేశారు. ఈ కార్యక్రమంలో రాష్ట్ర కాంగ్రెస్ నాయకుడు మట్టా దయానంద్, కల్లూరు ఏఎంసీ చైర్మన్ భాగం నీరజ, తహసీల్దార్ గంటా ప్రతాప్, ఏఎంసీ వైస్ చైర్మన్ రాజబోయిన కోటేశ్వరరావు, ప్రిన్సిపాల్ దేవమణి పాల్గొన్నారు
