గోదావరిఖని, వెలుగు: రామగుండంలో మూసివేసిన 62.5 మెగావాట్ల జెన్కో ప్లాంట్ స్థానంలో 800 మెగావాట్ల సూపర్ క్రిటికల్పవర్ప్లాంట్‌‌ను ఏర్పాటుతో ఈ ప్రాంతానికి మళ్లీ వెలుగులు వస్తాయని ఎమ్మెల్యే ఎంఎస్రాజ్‌‌ఠాకూర్ తెలిపారు. ఆదివారం క్యాంప్ ఆఫీస్లో ఏర్పాటు చేసిన మీడియాతో మాట్లాడుతూ రామగుండంలో 800 మెగావాట్ల పవర్ప్లాంట్సాధనకు సీఎం, డిప్యూటీ సీఎం భట్టి విక్రమార్క, మంత్రి శ్రీధర్బాబు, ఎంపీ గడ్డం వంశీకృష్ణ, ఎమ్మెల్యేలతో పాటు ప్రభుత్వ సలహాదారు సహకారం మరువలేనిదన్నారు.
పవర్ ప్లాంట్ ఏర్పాటుపై డిప్యూటీ సీఎం ప్రకటనతో ఇక్కడి ప్రజలు ఎన్నో ఏళ్ల కల నెరవేరిందన్నారు. అలాగే నెలరోజుల్లో సింగపూర్‌‌‌‌కు చెందిన ఓ సాఫ్ట్‌‌వేర్‌ సంస్థ రామగుండంలో స్కిల్డెవలప్‌‌మెంట్‌ సెంటర్‌‌‌‌ను ఏర్పాటు చేయనుందని ప్రకటించారు. బండలవాగు ప్రాజెక్ట్కు రూ.10 కోట్లు, పాలకుర్తి లిప్ట్కు రూ.350 కోట్లు కేటాయించడానికి ప్రభుత్వం ఓకే చెప్పిందన్నారు. మీటింగ్‌‌లో మేయర్‌ అనిల్‌‌కుమార్‌, లీడర్లు బొంతల రాజేశ్, మహాంకాళి స్వామి, పెద్దెల్లి ప్రకాశ్, మారెల్లి రాజిరెడ్డి పాల్గొన్నారు.
