గోదావరిఖని, వెలుగు : రామగుండం కార్పొరేషన్ అభివృద్ధికి రూ.100 కోట్ల టెండర్లు పిలిచామని, మరో రూ.20 కోట్ల పనులు వివిధ దశల్లో ఉన్నాయని ఎమ్మెల్యే ఎంఎస్ రాజ్ ఠాకూర్ తెలిపారు. సోమవారం ఆయన డివిజన్ బాట కార్యక్రమంలో భాగంగా మేయర్ బంగి అనిల్ కుమార్, కమిషనర్ సీహెచ్ శ్రీకాంత్, వివిధ విభాగాల ఆఫీసర్లతో కలసి పలు ప్రాంతాల్లో పర్యటించారు.
సింగరేణి, ఎన్టీపీసీ, ఆర్ఎఫ్సీఎల్ తదితర పరిశ్రమలను ఇన్వాల్ చేసి మున్సిపల్ను అభివృద్ధి చేస్తామని తెలిపారు. అనంతరం సంజయ్ గాంధీ నగర్ ఆటో స్టాండ్ వద్ద ఏర్పాటు చేసిన వేదిక వద్ద ప్రజల నుంచి వినతి పత్రాలు తీసుకున్నారు. ఈ కార్యక్రమంలో స్థానిక కార్పొరేటర్ జంగపల్లి సరోజన, కార్పొరేటర్లు మహంకాళి స్వామి, బొంతల రాజేశ్, ఎండీ ముస్తఫా, ఇఇ రామన్ పాల్గొన్నారు.
