గోదావరిఖని, వెలుగు: ప్రజా ప్రభుత్వంలో నిరుద్యోగ యువతకు ఉపాధి కల్పనపై ప్రత్యేక దృష్టి సారించామని రామగుండం ఎమ్మెల్యే ఎంఎస్ రాజ్ఠాకూర్ తెలిపారు. వివిధ వృత్తుల నైపుణ్య శిక్షణకు రిజిస్ట్రేషన్ చేసుకున్న వారిని సోమవారం హైదరాబాద్కు తీసుకెళ్తుండగా వారి వాహనాలను జెండా ఊపి ప్రారంభించారు. అనంతరం ఆర్జీ 1 ఏరియా టెక్నికల్ ట్రైనింగ్ సెంటర్లో నిర్వహించిన కార్యక్రమంలో ఎమ్మెల్యే మాట్లాడుతూ జీఎంఆర్ వరలక్ష్మి ఫౌండేషన్ ఆధ్వర్యంలో 150 మంది యువకులకు నైపుణ్య శిక్షణ అందించడానికి చర్యలు తీసుకున్నామన్నారు.
ఐటీ, పరిశ్రమల శాఖ మంత్రి శ్రీధర్‌‌‌‌‌‌‌‌బాబు ఆధ్వర్యంలో రామగుండంలో ఐటీ, ఆర్టిఫిషియల్ ఇంటెలిజెన్సీపై శిక్షణ కేంద్రం ఏర్పాటుకు ప్రణాళికలు సిద్ధం చేస్తున్నామని తెలిపారు. కలెక్టర్ కోయ శ్రీహర్ష, ఆర్జీ 1 ఏరియా జీఎం డి.లలిత్ కుమార్, ఏసీపీ ఎం.రమేశ్‌, ఏఐటీయూసీ సెక్రెటరీ కె.స్వామి, సీఎంవోఏఐ ప్రెసిడెంట్ మల్లేశం, సేవా ప్రెసిడెంట్అనిత, కార్పొరేటర్ తేజస్విని, ప్రకాశ్, కిరణ్బాబు, కర్ణ నాయక్, పాల్గొన్నారు.
