అడవి పందులను చంపే హక్కు రైతులకే ఇయ్యాలె
జనగామ, వెలుగు: పంట నష్టం కలిగిస్తున్న అడవి పందులను చంపి అవ్వల్ దర్జాగా ఊర్లల్లో పోగులేసుకుని తినే హక్కు రైతులకే ఇయ్యాలని జనగామ ఎమ్మెల్యే ముత్తిరెడ్డి యాదగిరి రెడ్డి కేంద్ర ప్రభుత్వాన్ని డిమాండ్ చేశారు. పనికిమాలిన ఫారెస్టు చట్టాన్ని మార్చాలని కోరారు. జిల్లా కేంద్రంలో శనివారం నిర్వహించిన కల్యాణ లక్ష్మి, షాదీముబారక్ చెక్కుల పంపిణీ కార్యక్రమానికి ఆయన ముఖ్యఅతిథిగా హాజరై మాట్లాడారు. రైతులు కష్టపడి పంటలు పండిస్తుంటే అడవి పందులు వచ్చి నష్టం చేస్తున్నాయని అన్నారు. గవర్నమెంట్ నుంచి ఈ పందులను చంపే లైసెన్స్పొందినోళ్లు వాళ్లకు తినాలనిపించినప్పుడు వచ్చి చంపి పట్టుకెళ్తున్నారని అన్నారు. పందులు వచ్చి చేన్లను ఆగం జేస్తుంటే చంపకుండా అటవీ శాఖకు దరఖాస్తు చేయాలని, లైసెన్స్ తీసుకున్నోళ్లు వచ్చి చంపుతారని ఫారెస్టోళ్లు అనడం సరికాదన్నారు. వాళ్లు వచ్చేసరికి పంటలు చేతికి రాకుండా పోతాయని, అందుకే పనికిమాలిన చట్టాన్ని మార్చాలని డిమాండ్ చేశారు. పందులను చంపిన రైతులు ఒక్కో పందికి రూ 25 వేలు కట్టాలట.. పైగా లక్ష రూపాయలు లంచం ఇయ్యాల్నట.. ఇదెక్కడి న్యాయం అని ప్రశ్నించారు. అనంతరం జనగామ మండలంలోని 148 మంది లబ్ధిదారులకు కల్యాణలక్ష్మీ, షాదీముబారక్ చెక్కులను అందజేశారు.
For More News..
