- రౌండ్ సమావేశంలో అఖిల పక్ష నేతలు
జనగామ అర్బన్, వెలుగు : రిటైర్డ్ ఎంపీడీవో రామక్రిష్ణయ్య హత్యకు ఎమ్మెల్యే ముత్తిరెడ్దిదే బాధ్యత అని అఖిల పక్ష నేతలు ఆరోపించారు. రామక్రిష్ణయ్య హత్యను నిరసిస్తూ ఎంఆర్పీఎస్, ఎంఎస్పీ ఆధ్వర్యంలో గురువారం జిల్లా కేంద్రంలోని విజయ ఫంక్షన్ హాల్లో రౌండ్ టేబుల్ సమావేశం నిర్వహించారు. ఈ సందర్భంగా నేతలు మాట్లాడారు. హత్య కేసులో పాత్రదారులు మాత్రమే ఆరెస్టయ్యారని, సూత్రదారులు, కుట్రదారుల బయటే ఉన్నారని అన్నారు.
ఈ కేసును హైకోర్టు సిట్టింగ్ జడ్జి ద్వారా లేదా సీబీఐ ద్వారా దర్యాప్తు జరిపించాలని డిమాండ్ చేశారు. కార్యక్రమంలో సమావేశంలో ఇనుముల నర్సయ్య, గోవింద్ నరేశ్, రాజారెడ్డి, మోకు కనకారెడ్డి, ఆరుట్ల దశమంతరెడ్డి, మాసాన్పెల్లి లింగాజీ, డాక్టర్ లక్ష్మినారాయణ నాయక్ పాల్గొన్నారు.
