పాపన్నపేట, వెలుగు: ప్రసిద్ద పుణ్యక్షేత్రమైన ఏడుపాయల అభివృద్ధికి కృషి చేస్తానని ఎమ్మెల్యే మైనంపల్లి రోహిత్రావు, మాజీ ఎమ్మెల్యే హన్మంతరావు మాటిచ్చారు. గురువారం ఏడుపాయల వనదుర్గా మాతను కుటుంబ సభ్యులతో కలిసి దర్శించుకున్నారు. ఈ సందర్భంగా ఆలయ ఈవో మోహన్ రెడ్డి, అర్చకులు వారికి పూర్ణకుంభంతో స్వాగతం పలికారు.
అనంతరం అమ్మవారికి ప్రత్యేక పూజలు చేసి తీర్థ ప్రసాదాలు అందుకున్నారు. ఆలయ మర్యాదల ప్రకారం ఈవో మోహన్రెడ్డి, ఎమ్మెల్యే రోహిత్రావు, మాజీ ఎమ్మెల్యే హన్మంతరావు దంపతులను శాలువాలతో సత్కరించారు.ఈ సందర్భంగా వారు మాట్లాడుతూ.. మెదక్ నియోజక వర్గంతో పాటు ఏడుపాయలను అన్ని రంగాల్లో అభివృద్ధి చేస్తామన్నారు. కమాన్ నుంచి ఏడుపాయల వరకు డబుల్రోడ్డుతో పాటు డివైడర్ నిర్మిస్తామన్నారు.
వారివెంట కాంగ్రెస్ నాయకులు పుల్లన్నగారి ప్రశాంత్ రెడ్డి, పబ్బతి ప్రభాకర్ రెడ్డి, గోవింద్ నాయక్, మల్లప్ప, శెట్టి శ్రీకాంత్, ఎంపీటీసీ ఆకుల శ్రీనివాస్, బీసీ సెల్జిల్లా ఉపాధ్యక్షుడు జంగం సతీశ్, నిటలాక్షప్ప, కో ఆప్షన్ సభ్యుడు గౌస్, బాపురెడ్డి, రామాగౌడ్,రమేశ్ గౌడ్, పార్శీ నర్సింలు, నరేందర్గౌడ్, ప్రవీణ్ ఉన్నారు
నేడు క్యాంప్ ఆఫీస్కు ఎమ్మెల్యే రోహిత్రావు
మెదక్ టౌన్: మెదక్ జిల్లా కేంద్రంలోని ఎమ్మెల్యే క్యాంప్ఆఫీసు నూతనంగా ముస్తాబవుతోంది. శుక్రవారం ఎమ్మెల్యే రోహిత్ రావు వచ్చి ప్రత్యేక పూజలు చేయనున్నారు. పార్టీ నాయకులు, అధికారులు పూర్తి స్థాయిలో ఏర్పాట్లు చేశారు. అనంతరం ముస్లిం, క్రిస్టియన్ మతపెద్దలతో సమావేశమవుతారు. మధ్యాహ్నం జిల్లా అధికారులతో సమీక్షా నిర్వహిస్తారు.
