- ఎమ్మెల్యే పి.సుదర్శన్ రెడ్డి
బోధన్, వెలుగు : వేసవిలో తాగునీటి సమస్య లేకుండా ముందస్తు చర్యలు తీసుకుంటున్నామని ఎమ్మెల్యే పి.సుదర్శన్ రెడ్డి అన్నారు. మంగళవారం బోధన్ పట్టణశివారులోని బెల్లాల్ చెరువును సందర్శించారు. చెరువులో నీరు ఏ స్థాయిలో ఉందో ఇరిగేషన్ అధికారులను అడిగి తెలుసుకున్నారు. నీటి సామర్థ్యం 930 అడుగులు ఉందని ఎండతీవ్రత పెరుగుతుండడంతో తగ్గిపోయే అవకాశం ఉందని అధికారులు చెప్పారు. ఎమ్మెల్యే నిజాంసాగర్ ప్రాజెక్టు అధికారితో ఫోన్లో మాట్లాడారు. బోధన్ పట్టణానికి తాగునీటి అవసరాల కోసం బెల్లాల్
అలీసాగర్ చెరువులోకి నీటిని విడుదల చేయాలని ఆదేశించారు. బెల్లాల్ చెరువుతో పాటుగా నిజామాబాద్ జిల్లాలోని చెరువుల్లో గుర్రెపు డెక్క పెరిగిపోయిందని దీని నివారణకు చర్యలు చేపట్టాలని అధికారులకు సూచించారు. ఆయన వెంట టీపీసీసీ ఉపాధ్యక్షుడు, ఉర్దూ అకాడమిక్‌ చైర్మన్‌ తాహెర్‌ బిన్‌ హందాన్‌, టీపీసీసీ డెలిగేట్ గంగాశంకర్, కాంగ్రెస్ పార్టీ పట్టణ అధ్యక్షుడు పాషామోయినోద్దిన్, కాంగ్రెస్ పార్టీ మండల అధ్యక్షుడు నాగేశ్వరరావ్, కౌన్సిలర్లు శరత్ రెడ్డి, దామోదర్ రెడ్డి, ధూలిపాలి పౌల్, నాయకులు ఇంద్రకరణ్, సంజీవరెడ్డి తదితరులు ఉన్నారు.
