![భద్రాద్రిలో కాంగ్రెస్ ఎన్నికల ప్రచారానికి శ్రీకారం](https://static.v6velugu.com/uploads/2023/11/mla-podem-veeraiah_f20gN45YhZ.jpg)
భద్రాచలం, వెలుగు : భద్రాచలం నియోజకవర్గంలో ఎన్నికల ప్రచారానికి కాంగ్రెస్ శనివారం శ్రీకారం చుట్టింది. ముందుగా భద్రాచలం శ్రీసీతారామచంద్రస్వామి ఆలయంలో పూజలు చేసిన డీసీసీ అధ్యక్షుడు, ఎమ్మెల్యే పొదెం వీరయ్య ఆ తర్వాత మసీదు, చర్చిల్లో ప్రార్థనలు చేశారు. అనంతరం అంబేద్కర్, అల్లూరి సీతారామరాజు, మల్లుదొర, ఘంటం దొర, కొమరంభీం విగ్రహాలకు పూలమాలలు వేసి ప్రచారం ప్రారంభించారు. పార్టీ ఎన్నికల ప్రచార రథంపై పొదెం వీరయ్య, టీపీసీ మెంబర్ బుడగం శ్రీనివాసరావు, టౌన్ ప్రెసిడెంట్ సరెళ్ల నరేశ్, చింతిరేల రవికుమార్, అడబాల వెంకటేశ్వరరావు, వసంతాల రాజేశ్వరీ
ఎన్ఎస్యూఐ లీడర్లు చింతిరేల సుధీర్, ఎడారి ప్రదీప్, మహ్మద్ఖాన్ ఎక్కి రోడ్ షో నిర్వహించారు. వీరయ్య మాట్లాడుతూ బీఆర్ఎస్ సర్కారు భద్రాద్రిని దగా చేసిందని ఆరోపించారు. సీఎం కేసీఆర్ రూ.100కోట్లు, రూ.1000కోట్లు అంటూ కాలం వెళ్లబుచ్చారని, కనీసం సీతారాముల కల్యాణానికి పట్టువస్త్రాలు, తలంబ్రాలు తీసుకురాకుండా భక్తుల మనోభావాలను దెబ్బతీశారని విమర్శించారు. ఈసారి బీఆర్ఎస్కు బుద్ధి చెప్పేందుకు ప్రజలు సిద్ధంగా ఉన్నారన్నారు.