అభివృద్ధి పనులకు శంకుస్థాపన చేసేటప్పుడు ప్రజాప్రతినిధులు శిలాఫలకాలు ఆవిష్కరిస్తుంటారు. అయితే ఓ చోట అధికారుల నిర్లక్ష్యంతో ప్రజాప్రతినిధి పనుల శంకుస్థాపన చేయకుండానే వెనుదిరిగారు.
ఈ సంఘటన యాదాద్రి భువనగిరి జిల్లాలో జరిగింది. మునుగోడు ఎమ్మెల్యే కూసుకుంట్ల ప్రభాకర్రెడ్డి చౌటుప్పల్ మున్సిపాలిటీ కేంద్రంలోని 10వ వార్డ్లో ధోబీ ఘాట్ నిర్మాణ పనులకు శంకుస్థాపన చేయడానికి ఆగస్టు 10న వచ్చారు.
పనులు జరిగే ప్రదేశానికి వెళ్లి చూసిన ఎమ్మెల్యే షాక్ అయ్యారు. ప్రారంభోత్సవం చేసే శిలాఫలకాన్ని అధికారులు ఏర్పాటు చేయకపోవడంతో ఆయన కంగుతిన్నారు. సంబంధిత అధికారులపై ఆగ్రహం వ్యక్తం చేశారు. శిలాఫలకం లేకుండా శంకుస్థాపన ఎలా చేయాలని వారిని ప్రశ్నించారు. చేసేదేమీ లేక వెనుదిరిగారు. ఈ సంఘటన స్థానికంగా చర్చనీయాంశం అయింది.
