దుబ్బాక, వెలుగు : బీజేపీ అధికారంలోకి వస్తే బీసీ క్యాండిడేట్ని సీఎం చేయడం ఖాయమని ఎమ్మెల్యే రఘునందన్రావు అన్నారు. గురువారం అక్భర్పేట-భూంపల్లి మండలంలోని ఖాజీపూర్, వీరారెడ్డిపల్లి, జంగపల్లి, అస్మాస్పూర్ గ్రామాల్లో ఎన్నికల ప్రచారం నిర్వహించారు. ఈ సందర్భంగా ఆయన మాట్లాడుతూ.. తాను ఎమ్మెల్యేగా గెలిచిన తర్వాత అక్భర్పేట-భూంపల్లి మండలం కోసం కొట్లాడానన్నారు. 2014 నుంచి 2020 వరకు బీఆర్ఎస్ వాళ్లు ఎమ్మెల్యే, మంత్రులు, ఎంపీలుగా ఉండి అక్భర్పేట-భూంపల్లిని ఎందుకు మండలంగా చేయలేదని ప్రశ్నించారు.
పింఛన్లు తామే అత్యధికంగా ఇస్తున్నామని గొప్పలు చెప్పుకుంటున్న బీఆర్ఎస్ ప్రభుత్వం అధికంగా లిక్కర్ రేట్లను పెంచి ప్రజలను దోచుకుంటున్న విషయం ఎందుకు దాచిపెడుతున్నారో చెప్పాలని డిమాండ్ చేశారు. గొల్ల కుర్మలకు గొర్రెలు ఇప్పిస్తామని చెప్పి డీడీలు కట్టించుకుని ఇప్పటి వరకు గొర్రెలు ఇవ్వకుండా యాదవ సోదరులను మోసం చేస్తున్నారని ఆరోపించారు.
ALSO READ : 2 వేల నోట్లను పోస్టులో పంపితే.. అకౌంట్లో డబ్బు డిపాజిట్
రాష్ట్రంలో 64 లక్షల మంది ముదిరాజులుంటే బీఆర్ఎస్ ఒక్కరికి కూడా ఎమ్మెల్యే టిక్కెట్ కేటాయించలేదని విమర్శించారు. ఉప ఎన్నికల్లో ఇచ్చిన హామీలను ఒక్కొక్కటి దశల వారీగా నెరవేరుస్తూ వస్తున్నామని, మరొక్కసారి అవకాశమిస్తే దుబ్బాక నియోజకవర్గాన్ని అన్ని రంగాల్లో అభివృద్ధి చేసి చూపిస్తానని తెలిపారు.
