బీఆర్ఎస్ పార్టీలో ఎమ్మెల్యే టికెట్ల పంచాయతీ ముదురుతోంది. ఉమ్మడి ఆదిలాబాద్ జిల్లా ఖానాపూర్ టిక్కెట్టు ఇవ్వడానికి ప్రస్తుత సిట్టింగ్ ఎమ్మెల్యే రేఖా నాయక్ కు బీఆర్ఎస్ అధిష్ఠానం నిరాకరించిన విషయం తెలిసిందే.
ఆ టికెట్టును పార్టీ నేత జాన్సన్నాయక్ కు ఇచ్చింది. ఈ క్రమంలో రేఖానాయక్ చేసిన వ్యాఖ్యలు సంచలన సృష్టిస్తున్నాయి. జాన్సన్ నాయక్ అసలు ఎస్టీ సామాజిక వర్గానికి చెందిన వారే కాదని రేఖానాయక్ ఆరోపించారు.
మంత్రి పదవి ఆశిస్తున్నాననే కారణంతో బీఆర్ఎస్ అధిష్ఠానం తనను పక్కకు పెట్టిందని తన రాజకీయ భవిష్యత్తుపై త్వరలో నిర్ణయం ప్రకటిస్తానని ఆమె తెలిపారు. ఖానాపూర్లో సత్తా చాటి బీఆర్ఎస్ అభ్యర్థికి చుక్కలు చూపిస్తానని ధీమా వ్యక్తం చేశారు.
