జడ్చర్ల టౌన్, వెలుగు: జడ్చర్ల నియోజకవర్గ పరిధిలోని పంచాయతీరాజ్ అధికారులతో ఎమ్మెల్యే అనిరుధ్ రెడ్డి గురువారం తన క్యాంపు కార్యాలయంలో సమీక్ష నిర్వహించారు. ఈ సందర్భంగా ఆయన మాట్లాడుతూ బాలానగర్ -, గంగాపూర్ తో పాటు నియోజకవర్గ పరిధిలో పలు రహదారులు మంజూరయ్యాయని వెల్లడించారు.
నియోజకవర్గంలోని చెక్ డ్యాం ల నిర్మాణాల కోసం రూ. 50 కోట్లు మంజూరు అయ్యాయని వివరించారు. జడ్చర్ల కు తాను బైపాస్ రోడ్డు తీసుకువస్తానని చెప్పారు. అనంతరం పట్టణంలోని ప్రభుత్వ పాఠశాలలో విద్యార్థులకు నులిపురుగుల నివారణ మాత్రలు వేశారు, పాఠ్య పుస్తకాలు, యూనిఫాంలు అందజేశారు.
