- ధాన్యం కొనుగోలు కేంద్రాలను ప్రారంభించిన ఎమ్మెల్యే రోహిత్రావు
మెదక్ టౌన్, రామాయంపేట, వెలుగు : రైతుల నుంచి ధాన్యం కొనుగోలు చేసిన 48 గంటల్లోనే డబ్బులు వారి ఖాతాల్లో పడతాయని ఎమ్మెల్యే రోహిత్ రావు అన్నారు. బుధవారం రామాయంపేట మండలం అక్కన్నపేటలో, హవేళీ ఘనపూర్ మండలం పాతూరులో ధాన్యం కొనుగోలు కేంద్రాలను ప్రారంభించారు. ఈ సందర్భంగా ఎమ్మెల్యే రోహిత్ రావు మాట్లాడుతూ... రైతే దేశానికి వెన్నెముక అనే నినాదంతో ధాన్యం కొనుగోలు కేంద్రాలు నిర్వహించనున్నట్లు పేర్కొన్నారు. ప్రభుత్వం ప్రతిష్టాత్మకంగా సన్న వడ్లకు రూ.500 బోనస్ ఇస్తోందని... జిల్లా వ్యాప్తంగా 473 కొనుగోలు కేంద్రాలు ఏర్పాటు చేసినట్లు వివరించారు. మెదక్ జిల్లా అడిషనల్ కలెక్టర్ వెంకటేశ్వర్లు, డీఆర్డీవో పీడీ శ్రీనివాస్రావు, తహశీల్దార్ రజని, ఏపీవోలు, అధికారులు, ప్రజాప్రతినిధులు, తదితరులు పాల్గొన్నారు.
