ప్రముఖ యూట్యూబ్ ఛానెల్ మై విలేజ్ షో నటి గంగవ్వకు ములుగు ఎమ్మెల్యే సీతక్క నూతన వస్త్రాలు పంపించారు. రేవంత్ రెడ్డి హాత్ సే హాత్ జోడో పాదయాత్రలో పూడూరులో రేవంత్ రెడ్డి, ఎమ్మెల్యే సీతక్కను కలిశారు గంగవ్వ. ఈ క్రమంలో ఎమ్మెల్యే సీతక్క గంగవ్వకు బట్టలు పంపిస్తానని తెలిపారు.
అందులో భాగంగా యువజన కాంగ్రెస్ పార్లమెంట్ మాజీ అధ్యక్షుడు నాగి శేఖర్ కు సీతక్క బట్టలు పంపించి లంబాడి పల్లె గంగవ్వకు అందజేయాల్సిందిగా కోరారు. ఈ మేరకు గంగవ్వ ఇంటికి వెళ్లిన నాగి శేఖర్ ఆమె నివాసంలో నూతన వస్త్రాలను అందజేశారు. ఈ సందర్భంగా సీతక్క తనపై చూపించిన అభిమానానికి గంగవ్వ కృతజ్ఞతలు తెలియజేశారు.
