మక్తల్, వెలుగు: పట్టణంలో దొంగల బెడద ఎక్కువగా ఉందని, రాత్రి పూట అవసరమైతే తాను గస్తీకొస్తానని ఎమ్మెల్యే వాకిటి శ్రీహరి తెలిపారు. సోమవారం ఎమ్మెల్యే సీఐ రాంలాల్తో ఫోన్లో మాట్లాడారు. మక్తల్ పట్టణంలో జరుగుతున్న దొంగతనాలకు గస్తీ అవసరం అయితే తాను వస్తానని, దొంగల ఆట కట్టిద్దామని పేర్కొన్నారు.
పట్టణంలోని 7, 8 వార్డుల్లో రాత్రి పూట దొంగతనాలు జరుగుతున్నాయని, ఈ విషయం పోలీసుల దృష్టికి తీసుకెళ్లినా గస్తీ పెంచడం లేదని స్థానిక నాయకులు ఎమ్మెల్యే దృష్టికి తీసుకెళ్లారు. స్పందించిన ఎమ్మెల్యే సీఐ రాంలాల్కు ఫోన్ చేసి దొంగతనాలతో ప్రజలు ఆందోళన చెందుతున్నారని సీఐ దృష్టికి తీసుకెళ్లారు. రాత్రి సమయంలో కాలనీలో పోలీసుల గస్తీ పెంచాలని సూచించారు.
