కౌడిపల్లి, వెలుగు: గ్రామాల్లో కమ్యూనిటీ బిల్డింగ్లను ఉపయోగించుకోవాలని నర్సపూర్ ఎమ్మెల్యే సునీతా లక్ష్మారెడ్డి అన్నారు. మంగళవారం మండల పరిధిలోని తిమ్మాపూర్ లో గౌడ సంఘం, ముదిరాజ్ సంఘం కమ్యూనిటీ హాల్ లను ఆమె ప్రారంభించారు. ఈ సందర్భంగా మాట్లాడుతూ సంఘ సమావేశాల, ఇతర కార్యకలాపాల నిర్వహణ కోసం ఈ బిల్డింగ్లను నిర్మిస్తున్నట్టు తెలిపారు.
గ్రామంలో కొత్తగా నిర్మించిన దేవాలయాలకు తనవంతు సహాయం చేస్తానని చెప్పారు. ఈ కార్యక్రమంలో ఎంపీపీ రాజు నాయక్, జడ్పీటీసీ మెంబర్ కవిత, ఎంపీటీసీ స్వప్న, మాజీ సర్పంచ్ పద్మ కిష్టయ్య, జడ్పీ కోఆప్షన్ మెంబర్ మన్సూర్, మండల బీఆర్ఎస్ అధ్యక్షుడు రామగౌడ్ పాల్గొన్నారు.
