నర్సాపూర్ /హత్నూర, వెలుగు: రైతులు ధాన్యం కొనుగోలు కేంద్రాలను సద్వినియోగం చేసుకోవాలని ఎమ్మెల్యే సునీత రెడ్డి సూచించారు. శుక్రవారం మండలంలోని కాసాల దౌల్తాబాద్, దేవులపల్లి, హత్నూర, నవాబ్పేట్, సిరిపుర గ్రామాల్లో, నర్సాపూర్ మండలంలోని తుల్జారాంపేట్, గూడెం గడ్డ, చిన్నచింతకుంట గ్రామాల్లో ఎమ్మెల్యే ధాన్యం కొనుగోలు కేంద్రాలను ప్రారంభించారు. ఈ సందర్భంగా ఆమె మాట్లాడుతూ ప్రభుత్వం సన్న వడ్లతో పాటు దొడ్డు వడ్లకు కూడా రూ.500 బోనస్ ఇవ్వాలని డిమాండ్ చేశారు.
అనంతరం లబ్ధిదారులకు సీఎం రిలీఫ్ ఫండ్ చెక్కులను అందజేశారు. కార్యక్రమంలో తహసీల్దార్శ్రీనివాస్, ఏబీఎన్ గౌరీశంకర్, మాజీ ఎంపీపీ నరసింహులు, గౌడ సంఘం జిల్లా ప్రధాన కార్యదర్శి వీరేశం గౌడ్, పీఎసీఎస్ చైర్మన్ దామోదర్ రెడ్డి, వైస్ చైర్మన్ మనోహర్ రెడ్డి, నరసింహారెడ్డి, రామ్ రెడ్డి, డైరెక్టర్లు వెంకటేశ్, భాగయ్య, దుర్గయ్య, యాదయ్య పాల్గొన్నారు.
