భద్రాచలం, వెలుగు : అర్హులందరికీ సంక్షేమ ఫలాలు అందించడమే ప్రభుత్వ లక్ష్యమని ఎమ్మెల్యే తెల్లం వెంకట్రావు, రాష్ట్ర అటవీ అభివృద్ధి సంస్థ చైర్మన్ పొదెం వీరయ్య అన్నారు. దుమ్ముగూడెం మండలం బంగారుగూడెం, తూరుబాక గ్రామాల్లో నెలకొన్న సమస్యలపై శనివారం వారు రివ్యూ మీటింగ్ ఏర్పాటు చేశారు. ముందుగా గ్రామాల్లో తిరిగి గ్రామస్తుల నుంచి సమస్యలు అడిగి తెలుసుకున్నారు. మీటింగ్లో ఆఫీసర్ల సమక్షంలో పరిష్కారానికి అవసరమైన అంశాలపై చర్చించారు. శాఖలవారీగా ప్రజల నుంచి వచ్చిన వినతిపత్రాల ప్రకారం చర్చ జరిపి ఎప్పటిలోగా పరిష్కరిస్తారో అడిగి తెలుసుకున్నారు. ప్రభుత్వం నుంచి వచ్చే ప్రతీ పథకం ప్రజలకు చేరేలా ఆఫీసర్లు చొరవ తీసుకోవాలని ఆదేశించారు. ఈ మీటింగ్లో తహసీల్దార్అశోక్, ఎంపీడీవో ఈదయ్య, ఏఈ మోహన్రెడ్డి, ఎంపీవో రామకృష్ణ, ఏవో నవీన్కుమార్ తదితరులు పాల్గొన్నారు.
సర్వే సక్సెస్కు కార్యకర్తలు కృషి చేయాలి
భద్రాద్రికొత్తగూడెం: సమగ్ర కుటుంబ సర్వే సక్సెస్కు కాంగ్రెస్ కార్యకర్తలు కృషి చేయాలని కాంగ్రెస్ జిల్లా అధ్యక్షుడు, స్టేట్ఫారెస్ట్ డెవలప్మెంట్ కార్పొరేషన్ చైర్మన్ పొదెం వీరయ్య అన్నారు. కొత్తగూడెంలోని కేసీవోఏ క్లబ్లో శనివారం ఏర్పాటు చేసిన జిల్లా స్థాయి ముఖ్య కార్యకర్తల సమావేశంలో ఆయన మాట్లాడారు. ఈ సర్వేతో ప్రజల సామాజిక ఆర్థిక, విద్యా, ఉపాధి, రాజకీయాలపై సమగ్రంగా నివేదికలను రూపొందించుకోవచ్చన్నారు. ఈ కార్యక్రమంలో ఎమ్మెల్యేలు కోరం కనకయ్య, తెల్లం వెంకట్రావ్, పాయం వెంకటేశ్వర్లు, జారే ఆదినారాయణ, నాయకులు కొత్వాల శ్రీనివాస్, నాగ సీతారాములు, తోట దేవీ ప్రసన్న. కే. చంద్రశేఖర్, బాల శౌరి, బిక్కసాని నాగేశ్వరరావు పాల్గొన్నారు.
