- సోయా కొనుగోలు చేయాలని కేంద్ర మంత్రికి వినతి
కామారెడ్డి, వెలుగు: కామారెడ్డి జిల్లా మద్నూర్, డొంగ్లీ మండలాల్లో పూర్తి స్థాయిలో సోయా ఉత్పత్తులు కొనుగోలు చేయాలని కోరుతూ గురువారం కేంద్ర వ్యవసాయ శాఖ సహాయ మంత్రి భగీరథ్ చౌదరి, వ్యవసాయ శాఖ సెక్రెటరీ దేవేశ్ చతుర్వేదిలకు జుక్కల్ ఎమ్మెల్యే తోట లక్ష్మీకాంతరావు వినతి పత్రం అందించారు. రైతుల నుంచి పూర్తిస్థాయిలో కొనుగోలు చేయకుండానే సెంటర్ మూసి వేశారని, ఇంకా 8 వేల క్వింటాళ్ల వరకు సోయా ఉత్పత్తులు ఉన్నాయన్నారు.
సోయా కొనుగోలుకు చర్యలు తీసుకుంటామని కేంద్ర మంత్రి హామీ ఇచ్చారని ఇచ్చారని ఎమ్మెల్యే పేర్కొన్నారు. రైతులు ఎవరు ఆందోళన చెందవద్దని, ప్రతి గింజ కొనుగోలు చేసే వరకు తాను విశ్రమించబోనని ఎమ్మెల్యే పేర్కొన్నారు.
