కోల్బెల్ట్, వెలుగు: పెద్దపల్లి పార్లమెంట్ పరిధిలో నాలుగు దశాబ్దాలుగా కాకా వెంకటస్వామి కుటుంబం ప్రజలకు సేవలందిస్తోందని, చెన్నూర్ నియోజకవర్గ అభివృద్ధి ధ్యేయంగా ఎమ్మెల్యే వివేక్ వెంకటస్వామి, ఎంపీ గడ్డం వంశీకృష్ణ పనిచేస్తున్నారని కాంగ్రెస్ సీనియర్లీడర్, అఖిల భారత యాదవ సంఘం జిల్లా ప్రెసిడెంట్బండి సదానందం యాదవ్ అన్నారు. ఎమ్మెల్యే వివేక్ ఆదేశాలతో బుధవారం మంచిర్యాల లోని ఎమ్మెల్యే నివాసంలో ఏర్పాటు చేసిన కార్యక్రమంలో 78 మంది లబ్ధిదారులకు సీఎం రిలీఫ్ ఫండ్ చెక్కులు పంపిణీ చేశారు.
ఈ సందర్భంగా మందమర్రి టౌన్ కాంగ్రెస్ ప్రెసిడెంట్నోముల ఉపేందర్ గౌడ్, ఉమ్మడి జిల్లా మాజీ జనరల్ సెక్రటరీ సొత్కు సుదర్శన్, నీలయ్యతో కలిసి సదానందం మాట్లాడారు. క్యాతనపల్లి, చెన్నూర్, మందమర్రి మున్సిపాలిటీల్లో డ్రికింగ్వాటర్సమస్యను ఎంపీ వంశీకృష్ణ, ఎమ్మెల్యే వివేక్ వెంకటస్వామి ఢిల్లీలో సంబంధిత మంత్రిత్వశాఖ దృష్టికి తీసుకెళ్లి, అమృత్ స్కీమ్ కింద మూడు మున్సిపాలిటీలకు రూ.100 కోట్లు మంజూరు చేయించారని తెలిపారు. క్యాతన పల్లి, చెన్నూర్లో నిర్మాణ పనులకు శంకుస్థాప
నలు కూడా చేశారన్నారు. నేషనల్ హైవే 63 కొత్త రోడ్డు, విస్తరణకు రూ.100 కోట్లు మంజూరు చేయించారని గుర్తుచేశారు. పదేండ్ల బీఆర్ఎస్ పాలనలో నియోజకవర్గంలో ఎలాంటి అభివృద్ధి జరగలేదన్నారు. లీడర్లు గాదె రాంచందర్ రాజేశ్ నాయక్, బూడిద శంకర్, పెద్ది రాజన్న, చిరంజీవి పాల్గొన్నారు.
