హైదరాబాద్ జింఖానా గ్రౌండ్స్లో డిసెంబర్ 1న జరిగే మాలల సింహా గర్జనకు పెద్దఎత్తున తరలి రావాలని చెన్నూరు ఎమ్మెల్యే వివేక్ వెంకటస్వామి పిలుపునిచ్చారు. హైదరాబాద్ విద్యానగర్లో రామభాయి మాలల సంక్షేమ సంఘం ఆవిర్భావ సమావేశంలో బీసీ సంక్షేమ సంఘం జాతీయ అధ్యక్షుడు ఆర్ కృష్ణయ్యతో కలిసి వివేక్ వెంకటస్వామి పాల్గొన్నారు. ఈ సందర్భంగా వివేక్ వెంకటస్వామి మాట్లాడుతూ.. రాష్ట్రంలో 30 లక్షల జనాభా ఉన్న మాలలకు సరైన గుర్తింపు దక్కడం లేదన్నారు. మాలల ఆత్మగౌరవం కోసం ఈ సభ పెట్టామని అన్నారు. డిసెంబర్ 1న హైదరాబాద్ దిగ్భందం అయ్యే పరిస్థితులు ఉన్నాయని తెలిపారు.
మాలలు సింహ గర్జనలో పాల్గొని ఐక్యతను చాటాలని కోరారు. తాను విద్యార్థి సంఘం నాయకుడిగా ఉన్నప్పుడు తనకు ఎన్నో కార్యక్రమాలకు మాజీ కేంద్ర మంత్రి వెంకటస్వామి (కాకా ) తనకు అండగా నిలిచి, ప్రోత్సహించారని ఆర్ కృష్ణయ్య గుర్తు చేసుకున్నారు. ఆయన కొడుకు వివేక్ వెంకటస్వామి కూడా తండ్రి బాటలో నడుస్తున్నారని.. తన జాతి బాగుకోసం పరితపిస్తున్న వివేక్ వెంకటస్వామికు మాలలు అండగా నిలవాలని ఆర్ కృష్ణయ్య కోరారు .
