- పేదల కడుపు నింపేందుకే సన్నబియ్యం పంపిణీ
కోల్ బెల్ట్, వెలుగు: రాష్ట్రంలోని పేదల కడుపు నింపేందుకు ప్రజాప్రభుత్వం సన్నబియ్యం పంపిణీ చేస్తోందని చెన్నూరు మండల కాంగ్రెస్ ప్రెసిడెంట్ బాపాగౌడ్, మాజీ జడ్పీటీసీ కరుణసాగర్ రావు, కాంగ్రెస్ నేత హేమంత్రెడ్డి అన్నారు. సోమవారం చెన్నూరు మండలం కొమ్ముర గ్రామంలో లబ్ధిదారులకు సన్నబియ్యం పంపిణీ కార్యక్రమాన్ని ప్రారంభించారు. సన్నబియ్యంతో పేదల ఆకలి తీరనుందని అన్నారు.
అనంతరం చెన్నూరు ఎమ్మెల్యే వివేక్ వెంకటస్వామి, పెద్దపల్లి ఎంపీ గడ్డం వంశీకృష్ణ ఫొటోలకు క్షీరాభిషేకం చేశారు. పేదల అభ్యున్నతికి కాంగ్రెస్ సర్కార్ పెద్దపీట వేస్తోందన్నారు. కార్యక్రమంలో కాంగ్రెస్ లీడర్లు కుంట శంకర్, రాజాగౌడ్, పవన్ తదితరులు పాల్గొన్నారు.
